Gilbert Perdez

NAGTATAKA ang isang dating senador kung bakit hanggang ngayon ay dumaraing pa rin ang mga medical frontliners hinggil sa kanilang COVID-19 allowances na hindi pa rin nababayaran.

Dahil dito, nais ni Sorsogon Gov. Chiz Escudero na magpaliwanag ang Department of Health (DOH) tungkol sa bagong panawagan ng mga health workers  na may kinalaman sa kanilang mga benepisyo na nakatadhana naman para sa kanila sa ilalim ng batas.

Matatandaang nagprotesta ang mga miyembro ng Alliance of Health Workers o AWH na kinabibilangan ng mga frontliners sa mga ospital ng gobyerno kung saan muling lumutang ang isyu ng unpaid allowances.

HINIKAYAT ng isang health expert ang pamahalaan na palawigin pa ang quarantine period ng mga biyaherong pumapasok ng Pilipinas at ipagbawal ang mga flights mula sa mas marami pang bansa dulot ng mas nakahahawang COVID-19 variant.

Ayon kay Dr. Tony Leachon, dapat ibalik ang 14-day quarantine period para sa mga inbound traveller upang hindi makapasok ang Omicron variant sa bansa.

Sa kasalukuyan, ang mga biyaherong nagmumula sa mga “yellow list” territories at fully vaccinated laban sa COVID-19 ay sumasalang sa tatlong araw na facility-based quarantine sa kanilang pagdating sa bansa.

Pagsapit ng ikatlong araw ay isasailalim sila sa COVID-19 test at kapag nagnegatibo sa swab test ay papayagan na itong umalis ng pasilidad.

IDEDEKLARANG ‘Persona non Grata’ ng lungsod ng Muntinlupa si Bureau of Corrections Director General Gerald Bantag.

Ito’y matapos ipag-utos ni Bantag ang pagpapasara sa mga access roads patungong Katarungan Village 1 at 2, Muntinlupa National High School, Pamantasan ng Lungsod ng Muntinlupa (PLMun), Southville 3 NHA Housing project at Type B NBP Reservation.

Ang pagpapadeklarang ‘Persona non Grata’ kay Bantag ay kabilang sa anim na resolusyon na nakatakdang ipasa ng konseho ng lungsod bukas, Nobyembre 29.

Sa isa pang resolusyon, binibigyan din ng kapangyarihan ng city council si Mayor Jimmy Fresnedi sa pamamagitan ng city legal office na maghain ng karampatang kaso laban kay Bantag at sa iba pang opisyal ng BuCor dulot ng illegal closure ng mga kalsada at pagpapalayas sa mga informal settlers sa lugar.