Gilbert Perdez

Patuloy na isusulong ng pamahalaan ang mga programang makatutulong sa mga magsasaka.

Ayon kay Pangulong Ferdinand Marcos Jr., ito’y sa pamamagitan nang pagpapabilis sa proseso ng pagpapautang para sa mga Filipino farmers.

Maliban sa loan financing program, magkakaroon din aniya ng subsidy program na siguradong pakikinabangan ng mga magsasaka sa bansa.

Matatandaang inaprubahan ni PBBM ang isang proyekto na inaasahang magpapataas sa crop production matapos makipagpulong sa isang pribadong kompanya at sa isang grupo ng mga magsasaka sa Gitnang Luzon para sa naturang programa.

Ikinalugod ni Pangulong Ferdinand Marcos Jr. ang mataas na rating na nakuha niya sa pinakahuling survey ng Social Weather Stations (SWS).

 Ayon sa Pangulo, ang kanyang natanggap na “very good” satisfaction rating mula sa mga Pilipino sa survey ay magsisilbing inspirasyon niya para mas pagbutihin pa ang pagganap sa kanyang tungkulin.

 Maguginitang lumabas sa survey ng SWS na 75% ng adult Filipinos ay satisfied sa performance ng presidente habang 7% lamang ang nagsabi na hindi sila kuntento at 18% naman ang undecided.

 Sinabi ng Presidente na bagama’t hindi siya tumitingin sa mga ganitong survey ay nakatutuwa aniyang mabatid na nakikita, nararamdaman at nauunawaan ng mga Pinoy ang mga ginagawa ng gobyerno.

Malapit nang maabot ng Pilipinas ang pagiging self-sufficient nito sa palay sa susunod na dalawang taon.

Ito’y ayon kay Pangulong Ferdinand Marcos Jr., ay kung magpapatupad ng malawakang reorganization sa iba’t ibang ahensya ng gobyerno.

Sa pakikipagpulong ng Pangulo sa mga opisyal ng Department of Agriculture (DA) at National Irrigation Administration (NIA), dito’y natalakay ang kasalukuyang estado ng irrigation system ng bansa habang inilatag din ang timetable para sa mga dapat na gawin sa pagsasakatuparan ng nasabing layunin.

Ayon sa Presidente, dahil mahalaga ang kooperasyon at koordinasyon ng iba’t ibang tanggapan ng pamahalaan, asahan na raw na sa susunod na pulong ay makakasama na nila ang mga opisyal ng DPWH at NEDA.

Inaprubahan ni Pangulong Ferdinand Marcos Jr. ang promosyon ng sampung opisyal ng Philippine Coast Guard (PCG).

Ayon kay Presidential Communications Office Sec. Cheloy Garafil, kabilang sa mga na-promote bilang Vice Admiral sina Joseph M. Coyme, Ronnie Gil L. Gavan at Robert N. Patrimonio.

Mula sa pagiging Commodore, itinaas naman sa Rear Admiral ang ranggo ni Coast Guard spokesperson Armand Balilo.

Maliban kay Balilo, na-promote din bilang mga bagong Rear Admiral sina Gregorio I. Adel Jr., Hostillo Arturo E. Cornelio, Eustacio Nimrod P. Enriquez Jr., Edgardo T. Hernando, Rudyard M. Somera at Nelson B. Torre.

Samantala, hindi naman binanggit ni Garafil kung kailan o anong petsa nilagdaan ni Pangulong Marcos Jr. ang promosyon ng mga opisyal ng PCG.

Asahan nang tataas ang crop production sa bansa.

Ito’y matapos aprubahan ni Pangulong Ferdinand Marcos Jr. ang paggamit ng makabagong pamamaraan para sa produksyon ng hybrid rice.

 Ginawa ni PBBM ang desisyon matapos makipagpulong sa ilang pribadong kumpanya at mga magsasaka sa Central Luzon kung saan inirekomenda ang paggamit ng pamamaraan para sa  hybrid rice production.

 Nabatid na ang mga rice farming areas para sa certified seeds ay iko-convert na patungo hybrid seeds.

 Ayon naman sa SL Agritech Corporation, kung maipatutupad ang hybrid technology sa buong bansa ay maaabot ang target na rice sufficiency at mas makapagbibigay ito ng mas magandang kita sa mga magsasaka.

Nagpatupad ng reorganization si Pangulong Ferdinand Marcos Jr. sa Presidential Communications Office (PCO).

Ito’y matapos lagdaan ni PBBM ang Executive Order (EO) No. 16 na nagbibigay ng ‘go signal’ para pagsamahin ang communication activities at tiyaking maayos na naihahatid ang mahahalagang serbisyo sa publiko.

Ang EO No. 16 na may petsang February 13, 2023 ay sinasabing bahagi o karugtong ng EO No. 11 ni Pangulong Marcos noong December 29, 2022 na may kinalamn sa streamlining ng administrative structure ng Office of the President at nagbigay ng bagong pangalan sa Office of the Press Secretary (OPS) bilang PCO.

Ang bagong PCO ay pamumunuan pa rin ni Secretary Cheloy Garafil na susuportahan ng limang undersecretaries, labing-apat na assistant secretaries at isang assistant secretary na direktang magre-report sa kalihim ng departamento.

Pamamahalaan ng limang undersecretaries ang functional areas ng PCO tulad halimbawa ng Traditional Media and External Affairs; Digital Media Services; Content Production; Broadcast Production and Operations, Administration at Finance.

Direkta namang makikipag-coordinate ang PCO sa Presidential Adviser for Creative Communications lalo na sa mga bagay na may kaugnayan sa komunikasyon at nformation dissemination.

Ang mga Government Owned and Controlled Corporations o GOCCs naman ngayon gaya ng

People’s Television Network, Inc., APO Production Unit, Intercontinental Broadcasting Corporation, at National Printing Office ay magiging bahagi na ng PCO at pamumunuan ng isang assistant secretary.

Ayon pa rin sa direktiba ng Pangulo, inilalagay na sa direktang kontol at pamamahala ng PCO ang iba pang communications agencies na kinabibilangan ng Presidential Broadcast Service-Bureau of Broadcast Services; Bureau of Communication Services; News and Information Bureau; Freedom of Information-Program Management Office; Philippine Information Agency; at Presidential Broadcast Staff-Radio Television Malacañang.

Siniguro ni Pangulong Ferdinand Marcos Jr. na mas paiigtingin pa ang pakikipagtulungan ng ating bansa sa Japan sa mga prayoridad na usapin kasunod ng working visit niya sa binansagang “Land of the Rising Sun.”

Kabilang sa mga nakapagkasunduan nina PBBM at Japanese Prime Minister Fumio Kishida ay ang pagpapalakas ng relasyong pangdepensa at pangseguridad ng dalawang bansa.

Naging mabunga rin ang pakikipagmiting ni PBBM sa mga Japanese business leaders partikular sa industriya ng semi-conductor na may investment pledges na sinasabing lilikha ng mahigit sampung libong trabaho.

Samantala, inimbitahan din ng Presidente sina Emperor Naruhito at Empress Masako na bumisita sa Pilipinas matapos ang isang mainit na pagtanggap sa kanya at sa delegasyon ng bansa.

Ang parehong imbitasyon ay ipinaabot din ni Pangulong Marcos sa mga miyembro ng Japan-PH Parliamentary Friendship League.