DWIZ 882

Muling ikinasa ng SM Cares ang Pink Ribbon Day bilang pag obserba sa breast cancer awareness na isa sa mga mahahalagang advocacy na nakatutok sa kapakanan ng mga kababaihan.

Kabilang sa mga programang bahagi ng SM Cares Pink Ribbon Day tuwing Oktubre simula pa nuong 2017 may medical breast examination, motivational talks mula sa mga breast cancer survivors at breast cancer awareness forums kasama ang health experts, katuwang ang Philippine Breast Cancer Society at Department of Health.

Sa taong ito, suportado ng SM Cares ang nasabing hakbangin sa pamamagitan ng look good, feel good campaign ka partner ang Estee Lauder Companies para ipakita kung paano masiglang namumuhay ang breast cancer patients.

Tiniyak ng SM Cares ang patuloy na pagpapalaganap ng mga impormasyon, edukasyon at communication campaign na tututok sa agarang pag detect at paglaban sa breast cancer.

Ang SM Cares ay ang corporate social responsibility arm ng SM Prime Holdings na nakatutok at nagsusulong ng mga programang pang kalusugan ng mga kababaihan, kapaligiran, breastfeeding mothers, mga bata at kabataan, persons with disabilities, senior citizens at SM bike friendly initiative.

Matagumpay nang nakahiram ng $2 – B o katumbas ng mahigit P 117 -B ang Pilipinas mula sa mga foreign lenders sa pamamagitan ng bond offering.

Ayon sa Bureau of Treasury, gagamitin ito para pondohan ang budget ng bansa.

Ang paglalabas ng dollar bond ang kauna-unahan sa ilalim ng administrasyon ni Pangulong Bongbong Marcos, sumunod sa 70-B yen na offer noong abril at $ 2.25 -B  noong Marso.

Hahatiin ang $2-B  na bond sa tatlong tranche; $ 500- M sa loob ng limang taon sa 5.17 %; $ 750 – M  sa loob ng 10 at kalahating taon sa 5.609 % at $750 – M sa loob ng 25 taon sa 6.10 %

May hawak na ang Philippine National Police (PNP)  ng mas malinaw na larawan ng mukha ng suspek sa pagpatay sa brodkaster na si Percy Lapid.

Ayon kay Southern Police District, District Director for Operations of Metro Manila, Pol. Col. Restituto Arcangel, may hawak na silang malinaw na anggulo ng isa sa motorcycle-riding men na sangkot sa pagpatay kay Lapid.

Nakuha ito ng mga otoridad matapos pagsama-samahin at suriin ang lahat ng CCTV footage sa lugar.

Kahit aniya nakasuot ng face mask ang bumaril kay lapid, sinabi ni arcangel na nalalaman pa rin nila ang buong bahagi ng mukha nito.

Sa ngayon, pagtitiyak ni Arcangel na nasa proseso pa sila ng pagkilala sa mga suspek sa pamamagitan ng pagsuri sa CCTV at dashboard ng camera sa sasakyan ng mamamahayag.

Isinasapinal na ni Vice President Sara Duterte ang kaniyang ulat para sa ika-100 araw na panunungkulan bilang pangalawang pangulo ng bansa.

Ito ang sinabi ni VP Sara sa media interview nito sa Bangued, Abra.

Ayon kay VP Sara, magpapasa rin siya ng ulat sa opisina ng pangulo bilang kalihim ng Department of Education.

Nabatid na maliban dito, ang Office of the Vice President din ay naghahandog ng medical at burial assistance sa publiko.

Nagdeploy din ito ng limang bus bilang inisyatibo para sa ‘libreng sakay’ program sa Metro Manila, Davao City, Cebu at Bacolod.

Nakakuha ng mataas na approval rating ang administrasyon ni Pangulong Ferdinand ‘Bongbong’ Marcos Jr.  sa pagtugon sa mga pangunahing isyu sa bansa.

Sa ulat ng bayan survey na ginawa ng pulse asia noong September 17 hanggang 21 na nilahukan ng 1,200 respondents na inilabas ngayong araw, lumabas na 11 sa  13  isyu sa Pilipinas ang maayos na napangasiwaan ng administrasyong Marcos.

Pinakamataas dito ang pagtugon ng gobyerno sa pangangailangan ng mga lugar na nasalanta ng bagyo na nakakuha ng 78% approval at 3 % disapproval.

78% approval naman ang nakuha ng administrasyon sa pagkontrol sa COVID-19 pandemic; 68 % sa pagtaguyod ng kapakanan ng mga ofws; 69 % sa pagpapanatili ng kapayapaan; 67 % sa paglaban sa krimen; at 62 %  sa pagpapatupad ng batas.

Sa pagbuo naman ng trabaho sa mga Pilipino, nakakuha ang administrasyon ng 59 %  approval; 59 % din sa pagtaas ng sahod; 58 % sa paglaban sa graft and corruption; 57 %  sa pagprotekta sa kapaligiran at 52 %  sa pagtatanggol sa integridad ng teritoryo ng bansa.

Samantala, 42 % disapproval naman ang nakuha ng administrasyong marcos sa pagkontrol sa inflation rate o bilis ng pagtaas ng presyo ng bilihin at 35 % sa kahirapan.

Inanunsiyo na ng PAGASA ang pagtatapos ng Southwest Monsoon o habagat season sa Pilipinas.

Ayon sa PAGASA, nalulusaw ang habagat tuwing unang linggo ng Oktubre na senyales na patungo na ang bansa sa amihan season.

Noong 2020, november 6 nang ideklara ng pagasa ang pag-iral ng amihan.

Matatandaang una rito, sinabi ng pagasa papalo sa anim hanggang 10 bagyo ang papasok sa Pilipinas bago mata

Pinaplano ng Metropolitan Manila Development Authority (MMDA) na palawakin ang sakop ng daanan ng mga pasahero sa EDSA Busway.

Ayon kay Mel Carunungan, tagapagsalita ngMMDA, nais ni MMDA chairperson Carlo Dimayuga III na maging maayos ang daanan ng mga pasahero papasok at palabas ng busway.

Ito ay para hindi gaanong magsiksikan ang mananakay lalo na kapag rush hour.

Ang mga nakikitang solusyon ng mmda sa plano ay bawasan ang daanan ng mga bus at magtayo ng tulay at footbridge sa mga pasahero.

Samantala, ikinokonsidera din ng mmda na magtayo ng comfort rooms sa mga bus stops para maging komportable ang mga mananakay.

Tiniyak ng Commission on Elections (COMELEC) na mareresolba nila ngayong 2022 ang lahat ng petisyon na kanilang natanggap kaugnay noong 2022 national at local elections.

Ayon kay COMELEC Spokesperson John Rex Laudiangco, nilalaman ng petisyon ang inihaing disqualification cases at petisyon ikansela ang Certificates of Candidacy (COC) ng mga kandidato.

Binigyang-diin pa ng comelec ang kanilang commitment na tapusin ang mga naipong petisyon para ma-settle na ang isyu ng mga nakaupong kandidato.

Samantala, tiniyak din ni laudiangco na de-desisyunan na nila ang labing-pitong vote-buying cases na inihain laban sa iba’t ibang kandidato noong halalan.