Author

DWIZ 882

Dalawang bata patay sa sunog sa Tagbilaran City

Patay ang dalawang bata matapos na makulong sa nasusunog na bahay sa Tagbilaran City.

Kinilala ang mga magkakapatid na biktima na sina Mary Jade Arayan, walong taong gulang at Mary Joy Arayan limang taong gulang habang nakaligtas naman sa sunog ang panganay na si Mary Jane, siyam na taong gulang.

Iniiwan umano ng kanilang ina ang magkakapatid habang ito ay nasa trabaho.

Nagmula umano ang sunog sa isang kandila na nahulog sa foam na hinihigaan ng mga biktima.

Mabilis na kumalat ang apoy at nadamay rin ang mga kalapit nitong bahay.

January 20, 2020 0 comment

HEADLINES NATIONAL NEWS

Mobile hospitals para sa mga apektado ng pag-alburuto ng Bulkang Taal binuksan ng DOH

written by DWIZ 882

Dalawang mobile hospital ang binuksan ng Department of Health (DOH) para maserbisyuhan ang mga apektadong residente kasunod ng pagputok ng Bulkang Taal sa Batangas.

Ayon kay Batangas Governor Dodo Mandanas, inilagay ang dalawang hospital sa Polytechnic University of the Philippines sa Sto. Tomas at Barangay Caloocan sa Balayan.

Kabilang sa mga maaring isagawa sa naturang mga mobile hospitals ay minor surgeries tulad ng appendectomy, normal birth delivery at caesarian section.

Bukod dito ay 17 mga medical teams ang ipinakalat sa mga munisipalidad para matutukan ang pangangailangang pang kalusugan ng mga evacuees.

Sa ngayon, pawang mga iritasyon sa mata, upper respiratory infections at diarrhea ang madalas na idinudulog ng mga evacuees.

January 20, 2020 0 comment

INTERNATIONAL NEWS

Lima patay matapos bumaha ng mainit na tubig sa isang hotel sa Russia

written by DWIZ 882

Patay ang lima katao matapos na bumaha ang mainit na tubig sa basement ng isang hotel sa Russia.

Ayon sa Regional Investigative Committee na humahawak sa kaso, bukod sa nasawi ay tatlong iba pa ang sugatan dahil sa matinding pagkasunog ng kanilang katawan.

Sa imbestigasyon, sumabog ang tubo ng mainit na tubig sa isang hotel room sa basement hanggang sa kumalat ang tubig sa mga kalapit na kwarto.

Sinampahan na ng kasong krimen ang management ng hotel dahil sa kwestyonableng safety standards nito.

January 20, 2020 0 comment

SPORTS

Tennis superstars Serena Williams, Naomi Osaka wagi sa pagbubukas ng Australian Open

written by DWIZ 882

Buena manong nakapagtala ng panalo sina tennis superstars Serena Williams at Naomi Osaka sa pagbubukas ng Australian Open.

Ito ay sa kabila ng patuloy na paglala ng kalagayan ng hangin sa Melbourne dahil sa bushfire.

Napataob ni Williams ang mas batang si Russian tennis champion Anastasia Potapova sa iskor na 6-0, 6-3.

Habang nag advance din sa second round si Osaka matapos na matalo nito si Marie Bouzova.

Kahit masyado pang maaga, sinabi ng mga tennis expert na posibleng magkaharap sa quarter finals sina Williams at Osaka na tila re-match ng kanilang paghaharap noong 2018 US Open Final.

January 20, 2020 0 comment

HEADLINES NATIONAL NEWS RONDA PROBINSYA

Commercial establishments sa Tagaytay City mananatiling bukas sa kabila ng closure order ng DILG

written by DWIZ 882

Business as usual pa rin sa Tagaytay City sa kabila ng closure order na ipinalabas ng Department of Interior and Local Government (DILG) dahil sa posibleng hazardous eruption mula sa Bulkang Taal.

Ayon kay Cavite Rep. Abraham Tolentino, itinuturing lamang na rekomendasyon ang naging closure order ng DILG dahil nanatili aniyang ang lokal na pamahalaaan pa rin ang siyang may otoridad dito.

Iginiit ni Tolentino na ang Alkalde pa rin ang siyang dapat na magdesisyon sa naturang usapin.

Nakatakdang magkaroon ng grand reopening ang Tagaytay City sa January 24 o bisperas ng Chinese New Year.

Nanindigan naman ang DILG na ang kaligtasan ng mga negosyante at publiko ang kanilang prioridad sa gitna ng panganib na dulot ng taal.

January 20, 2020 0 comment

HEADLINES NATIONAL NEWS

WALANG PASOK I JANUARY 21, 2020

written by DWIZ 882

Kanselado na ang klase bukas Martes, January 21, 2020 matapos ang pag-aalburuto ng Bulkang Taal sa mga sumusunod na lugar:

CALABARZON

Cavite

Alfonso – All levels (public at private)

January 20, 2020 0 comment

HEADLINES RONDA PROBINSYA

Mga commercial establishments sa Tagaytay City tigil operasyon muna — DILG

written by DWIZ 882

Mananatiling sarado ang mga commercial establishments na pasok sa 14 kilometer radius danger zone ng Bulkang Taal.

Ito ang inihayag ni Interior and Local Government Undersecretary Epimaco Densing, matapos magbalik operasyon na ang ilang mga negosyo sa Tagaytay City.

Ayon kay Densing, nagpalabas ng memorandum ang DILG kay Tagaytay City Mayor Agnes Tolentino para ipatupad ang atas na pansamantalang itigil ang operasyon ng mga establisyemento sa lungsod sa gitna na rin ng pag-aalburuto ng Bulkang Taal.

Nakasaad aniya rito na hindi maaaring magbalik operasyon ang mga commercial establishements sa Tagaytay City hangga’t hindi pa naibababa ang alert level 4.

Dagdag ni Densing, kanila ring sisiyasatin ang ulat na muling nagbukas ang amusement park na Sky Ranch at iba pang negosyo sa Tagaytay City.

January 20, 2020 0 comment

NATIONAL NEWS

Pilot testing ng mga motorcycle taxis tuloy

written by DWIZ 882

Naharang ang plano ng Department of Transportation inter-Agency Technical Working Group (DOTr–TWG) na ipatigil na simula sa susunod na linggo ang pilot testing o programa sa mga motorcycle taxis.

Ito ay matapos makausap ni Senador Christopher Bong Go si Transportation Secretary Arthur Tugade sa telepono at si LTFRB Chairman Martin Delgra na dumalo rin sa pagdinig ng senate committee on public services.

Ayon kay Go, sinabi sa kanya ni Tugade na hahahayaan nang magpatuloy ang pilot testing ng mga motorcycle taxis tulad ng Angkas, Joy Ride at Move It hanggang matapos ang paggawa ng batas na magsasa-legal dito.

Sinabi ni Go, kanya pa ring irerekomenda kay Pangulong Rodrigo Duterte ang pagpapatuloy sa operasyon ng mga motorcycle taxis kahit pa nagbigay na ng pagtiyak si Tugade.

Aniya, igigiit niya sa Pangulo ang naibibigay na tulong ng mga motorcycle taxi sa mga mananakay bilang alternatibo at mas mabilis na transportasyon.

Binigyang diin pa ni Go ang pagkakaroon ng mahinahong pag-uusap sa pagitan ng DOTr, LTFRB at mga motorcycle companies.

Una rito, inirekomenda ng TWG ang pagpapatigil sa pilot testing ng mga motorcycle taxis at pagpapaaresto sa mga lalabag dito na inaprubahan anila ni Tugade. — ulat mula kay Cely Ortega-Bueno (Patrol 19)

January 20, 2020 0 comment

NATIONAL NEWS

Angkas pinapa-blacklist ng DOTr-TWG

written by DWIZ 882

GadgetMatch-Uber-Alternatives-20170815-Angkas

Ipinaba-blacklist ng inter-agency Technical Working Group (TWG) ng Department of Transportation (DOTr) ang operasyon ng motorcycle ride hailing app na Angkas.

Bahagi ito ng isinumiteng report ng TWG sa Kongreso kasabay ng isinagawang pagdinig ng Senate Committee on Public Services.

Ayon kay TWG Head Antonio Gardiola, maraming nilabag ang Angkas sa ipinalabas nilang guidelines para sa pilot testing ng mga motorcycle taxis.

Sinabi ni Gardiola, unang nilabag ng angkas ang inilagay na limitasyon sa mga lugar kung saan maaari lamang pumasada o mag-operate ang mga motorcycle.

Aniya, tanging sa National Capital Region (NCR) at Cebu lamang inaprubahan ang pilot testing pero nag-operate aniya sa Cagayan De Oro, Gensan at Pampanga ang Angkas.

January 20, 2020 0 comment

NATIONAL NEWS

Pag-aalburuto ng Bulkang Taal walang epekto sa ekonomiya — NEDA

written by DWIZ 882

Halos walang magiging epekto sa ekonomiya ng bansa ang pag-aalburuto ng Bulkang Taal.

Ito ang tiniyak ng National Economic and Development Authority (NEDA), maliban na lamang kung magkaroon na ng major eruption.

Ayon kay NEDA Undersecretary Adoracion Navarro, mas mababa pa sa isang porsyento ang kontribusyon sa Gross Regional Domestic Product (GRDP) ng CALABARZON ang mga lugar na apektado ng pag-aalburuto ng Bulkang Taal.

Batay na aniya sa datos ng NEDA noong 2018, nasa .17% lamang ng GRDP ng CALABARZON ang naiambag ng mga lugar na kabilang sa 14 kilometres radius danger zone ng Bulkang Taal.

Sinabi ni Navarro, katumbas lamang ito ng mahigit P4.3-B.

Dagdag naman ni Navarro, kanilang isasaayos ang mga nabanggit na datos sakaling may mangyaring major eruption.

January 20, 2020 0 comment

Newer Posts

Older Posts