DWIZ 882

Nasa maayos na kalagayan si Philippine National Police (PNP) Chief General Archie Gamboa kasunod ng pag bagsak ng kanyang sinasakyang eroplano kahapon sa laguna.

Sa inilabas na video ng PNP, sinabi ni Gamboa na ligtas siya at handa na siyang bumalik sa trabaho sa Lunes, Marso 9.

Kasabay nito, umapela si Gamboa sa publiko na itigil na ang pagpapakalat ng iba’t ibang larawan sa nangyaring aksidente.

Aniya, sa halip ay marapat lamang na ipagdasal na lamang ang iba pa niyang kasama na nanatili pa rin sa ospital.

Mananatili pa rin ang presensiya ng militar sa Marawi City 3 taon matapos ang naging pag atake dito ng Maute ISIS group.

Ayon kay Pangulong Rodrigo Duterte, mananatili ang kanyang desisyon na magkaroon ng military camp sa loob ng syudad upang labanan ang anomang banta ng terorismo.

Aniya, kapag mapayapa na sa lugar ay ito palamang ang panahon na aalisin ang mga sundalo sa lugar.

Samantala, binigyan ng pangulo ng direct line si Marawi rehabilitation czar Eduardo Del Rosario sa Department of Budget and Management (DBM) para mapabilis ang reconstruction efforts sa nasabing syudad.

Tinawag na raw intelligence report ng Malakanyang ang balitang presensiya ng 3,000 mga Chinese soldiers sa bansa.

Ayon kay Presidential spokesman Salvador Panelo, kailangan na i-validate muna ng militar ang naturang ulat bago maglabas ng anomang pahayag ang gobyerno.

Aniya, hihintayin ng Malakanyang ang validation process na gagawin ng Armed Force of the Philippines (AFP) bago gumawa ng anomang aksyon.

Sa kabila nito, siniguro ni Panelo na laging nakahanda ang gobyerno pagdating sa mga isyung may kinalaman sa national interest at security.

Una nang nanawagan si Senador Panfilo Lacson na imbestigahan ng gobyerno ang balitang nasa 2,000 hanggang 3,000 mga miyembro ng liberation army ng China ang nasa Pilipinas para sa posibleng immersion report.

Nakatakdang magsagawa ng pagdinig ang House Committee on Labor and Employment ukol sa mga labor–related concerns ng guwardiyang nang hostage sa isang mall sa Greenhills, San Juan City.

Tatalakayin ito sa Marso 10, Martes bago ang pagdinig naman sa ABS–CBN franchise renewal bills sa nasabi ring araw.

Ayon kay House panel chairman Eric Pineda, posible may mabigat dahilan ang gwardiyang si Alchie Paray nang gawin nito ang desperadong aksyon at ito ang dapat na alamin ng komite.

Aniya, hindi humingi ng pera si Paray bagkus ay nais lamang nito na mapakinggan para mailahad niya ang korupsiyon at pag abuso ng kanyang security agency.

Una nang nasampahan ng mga kasong frustrated murder, serious illegal detention, illegal possesion of firearms and ammunition at illegal possession of explosives at incendiary device dahil sa kanyang ginawang pag-hohostage

Hindi pa rin natinag si Pangulong Rodrigo Duterte sa pagsakay ng helicopter sa kabila ng aksidenteng kinasangkutan ng sinasakyang chopper nina Philippine National Police (PNP) Chief General Archie Gamboa at iba pa.

Ayon kay Presidential spokesman Salvador Panelo, tuloy pa rin sasakay ng chopper ang Pangulo sa pagpunta sa ilang events dahil kilala naman ito bilang fatalist.

Aniya, hindi takot ang pangulong mamatay sa katunayan ay madalas pa nga nitong sinasabi na kapag oras na niyang mamatay ay oras na.

Samantala, kinumpirma ni Panelo na posibleng bisitahin ni Pangulong Duterte si Gamboa at iba pang mga sugatang opisyal ng PNP.

Temporarily grounded o pansamantalang hindi papayagang lumipad ang buong fleet ng rotary–wing aircraft ng Philippine National Police (PNP) kasunod ng nangyaring pagbagsak ng chopper na sinasakyan ni PNP Chief General Archie Gamboa at iba pa.

Ayon kay acting PNP spokesman Major General Benigno Durana Jr., napagkasunduan ng PNP command at quad staff na grounding ng buong fleet ng rotary wing aircraft upang magbigay daan sa gagawing imbestigasyon sa insidente.

Matatandaang pa take off ang Bell 429 helicopter sakay si Gamboa at iba pang opisyal nang sumabit ito sa high–tension wire dahilan para bumagsak ito.