Drew Nacino

Namemeligro na naman ang krisis sa ekonomiya ng Pilipinas dahil sa digmaan sa pagitan ng Russia at Ukraine.

Ito ang inamin ni Finance Secretary Carlos “Sonny” Dominguez, kahit walang direktang epekto sa Pilipinas ang naturang sigalot.

Sa Talk to the People ni Pangulong Rodrigo Duterte, inihayag ni Dominguez na maaaring maging “collateral damage” ang Pilipinas dahil hagip pa rin ito ng krisis.

Namemeligro rin anyang maapektuhan ng sagupaan ang commodity market, financial market, investments at fiscal health ng Pilipinas, kahit hindi nito major trading partner ang Russia at Ukraine.

Isa-isa nang inilatag ng National Economic Development Authority (NEDA) ang mga solusyon laban sa panibagong economic crisis dahil sa hindi maawat na oil price increase dulot ng digmaan sa pagitan ng Russia at Ukraine.

Sa Talk to the People ni Pangulong Rodrigo Duterte, kabilang sa inirekomenda ni NEDA Director-General Karl Kendrich Chua ang pagpapatatag ng domestic economy upang makapagbigay ng mas maraming trabaho at oportunidad;

Doblehin sa P5-B ang fuel subsidy para sa Public Utility Vehicles (PUVs) mula sa kasalukuyang P2.5-B, itaas sa P1.1-B mula sa P500-M at pataasin ang buffer stock ng krudo.

Ipinatawag na ni Pangulong Rodrigo Duterte ang mga kongresista upang talakayin ang mga agarang solusyon sa matinding epekto sa ekonomiya ng walang-patid na pagtaas ng presyo ng mga produktong petrolyo.

Ayon kay Pangulong Duterte, dapat nang magpulong ang kongreso at economic team ng gobyerno sa lalong madaling panahon upang maibsan ang pasakit na pina-pasan ng mga mamamayan.

Sa kanyang Talk to the People kahapon, binigyang-diin ng pangulo ang kahalagahan ng agarang pagresolba sa nagbabadya na namang economic crisis dulot ng digmaan sa pagitan ng Russia at Ukraine.

Samantala, ibinabala ni Pangulong Duterte na maaaring maramdaman hanggang sa susunod na taon ang epekto ng mataas na presyo ng krudo.

Muling pinutakte ng Avian Influenza o Bird Flu outbreak ang ilang itikan at puguan sa mga lalawigan ng Bulacan, Pampanga, Laguna at Camarines Sur.

Batay ito sa report ng gobyerno ng Pilipinas sa World Organization for Animal Health (OIE).

Naitala ang panibagong outbreaks ng highly pathogenic avian influenza (H5N1) sa walong bagong lugar sa bansa.

Kabilang na rito ang sa Barangay San Roque at Dagat-Dagatan sa San Rafael, Bulacan at Santa Catalina, Minalin at San Lorenzo sa Mexico, Pampanga;

Inihayag ni Bureau of Animal Industry Director Reildrin Morales na unang na-detect ang Bird Flu outbreak noong January 6, sa isang itikan sa Barangay Barangka, Baliuag, Bulacan.

Nag-issue na ang department of Agriculture (DA) ng guidelines sa paglabas at pagpasok ng poultry products sa mga quarantine zone.

Binalaan ng isang kongresista ang gobyerno laban sa umano’y monopolyo na maaaring magresulta sa pagbili ng mas mahal na pneumonia vaccines para sa mga bata.

Hinimok ni probinsiyano ako Party-List Rep. Jose Singson, Chairman ng House Committee on Public Accounts ang Department of Health (DOH) na pag-aralan at kilatising maigi ang eficacy ng Pneumococcal Conjugate vaccine o PCV10 at PCV13.

Si Singson ang pangunahing signatory ng House Resolution 2492 na nananawagan sa DOH na silipin na ang issue habang ikinakasa na rin ang hearing sa kamara.

Iginiit ni Singson na kung mayroong monopolyo sa pneumonia vaccine na nanlilinlang

Magdo-donate ang Pilipinas ng COVID-19 vaccines sa mga karatig-bansa sa Southeast Asia.

Ayon kay National Task Force against COVID-19 Medical Adviser, Dr. Ted Herbosa, wala namang problema sa supply ng bakuna sa bansa dahil sa katunayan ay sobra-sobra ang mga ito.

Gaya anya ng sinabi ni NTF Chief Implementer Carlito Galvez Jr., tinanggihan na ng Pilipinas ang ilang COVID-19 vaccine donations sa halip ay dinonate ang iba sa ilang Southeast Asian countries.

Inihayag ni Herbosa na nagpatupad na rin ang mga opisyal ng NTF ng vaccine information drive sa Bangsamoro Autonomous Region in Muslim Mindanao (BRMM) dahil marami pa rin ang tumatangging magpabakuna bunsod ng kanilang paniniwala.

Samantala, hinimok naman ni Herbosa ang publiko na lumahok sa ika-apat na “bayanihan, bakunahan” ngayong araw lalo’t target ng gobyerno na makapagbakuna ng 77 milyong Filipino sa pagtatapos ng Marso.

Aabot na sa halos 15,000 ang namamatay sa mahigit isang linggong sagupaan ng Ukrainian at Russian Armed Forces.

Ayon sa Ukrainian Defense Ministry, pinaka-marami sa nasawi o nasa 11,000 libo ang nalagas sa hanay ng Russia simula nang salakayin nito ang Ukraine noong Pebrero a-24.

Tinatayang 2,000 sibilyan din ang nasawi at halos 1,700 ang nasugatan.

Sa pinaka-bagong datos naman ng United Nations, umakyat na sa mahigit isa’t kalahating milyong katao ang lumikas mula ukraine at tumawid sa mga border ng mga karatig bansa, tulad sa Poland at Romania.

Inaasahang tataas pa ang bilang ng casualties at refugees sa gitna ng tumitinding bakbakan at bombahan sa ilang pangunahing lungsod sa Ukraine.