Angelica Doctolero

Sinong mag-aakala na nagsilbing tila isang blessing in disguise ang isang tawag na natanggap ng isang babaeng nagmamaneho na muntikang madawit sa isang aksidente habang binabaybay ang isang accident prone area.

Kung paano nakatulong ang phone call, eto.

Sa isang video na nakuhanan ng dash cam, makikita ang isang sasakyan na tumatakbo sa tamang bilis habang binabaybay ang batasan-San Mateo Road sa Quezon City.

Maya-maya pa, maririnig ang pagtunog ng cellphone ng babaeng driver dahil sa pagtawag.

Nang sagutin naman niya ang tawag ay agad din itong naputol dahil hindi sila nagkarinigan.

Pagkatapos nito ay makikita sa footage ang pagsulpot ng isang truck sa kabilang lane na hindi nagtagal ay tumagilid ilang dipa lang ang layo mula sa kaniyang kotse.

Kasunod nito ay ang muling pagtawag sa driver at nang sagutin ito ay maririnig kung paano nanginig ang boses ng babae habang sinasabi na muntikan na siyang masagi ng truck at maakisdente.

Nakikita naman ng mga netizen online ang nasabing phone call bilang isang blessing in disguise.

Samantala, inamin naman ng truck driver na ang biglaang pagkawala ng preno ng truck ang dahilan ng aksidente na siyang nagresulta sa pagkamatay ng tatlong indibidwal, habang pito naman ang sugatan.

Dahil sa pagiging prone sa aksidente ng kalsada, nanawagan ang mga residente na ipagbawal o di naman kaya ay limitahan man lang ang pagpapadaan sa malalaking mga truck.
Matapos nito ay naghigpit ang barangay sa pagbabantay sa nasabing kalsada nang sa ganon ay kahit paano ay maiwasan ang mga disgrasya.

Samantala, humingi naman ng tawad ang driver sa pamilya ng mga biktima at sinuspinde na ng Land Transportation Office (LTO) ang lisensya nito sa loob ng 90 araw at hawak na ngayon ng mga otoridad.

Sa mga nagmamaneho riyan, magdoble ingat, lalo na at sunud-sunod ang mga naitatalang aksidente sa kalsada at walang makapagsasabi kung kailan ito mangyayari.

Nakikinood na nga lang, nadamay pa! Ganyan ang nangyari sa isang babae nang maisipan nitong panoorin ang sikat na movie saga na Final Destination. Pero, tila napabilang pa ito sa cast ng pelikula dahil sa insidente na nangyari sa loob ng sinehan na para bang kasali ito sa plot ng movie.

Ang buong kwento, eto.

Nagce-celebrate noon ng kaniyang birthday ang 29-anyos na si Fiamma Villaverde mula sa Argentina kasama ang kaniyang anak at kaibigan nang maisipan nilang panoorin ang pinakabagong installment sa kilalang thriller movie saga na Final Destination Bloodlines.

Sa isang pahayag, sinabi ni Fiamma na wala umano silang balak na manood ng sine pero nakumbinsi sila nang makita na bumaba ang presyo ng tickets ng nasabing movie.

Naging smooth-sailing naman ang panonood nila Fiamma, pero kung kailan malapit na itong matapos, saka naman nakarinig ang mga ito ng malakas na kalabog.

Tila bigla na lang naisabuhay ang mga kaganapan sa Final Destination. Paano ba naman kasi, bigla na lang ding nahulog ang kisame ng sinehan.

Sa kasamaang palad, mayroong bahagi ng kisame na nahulog kay Fiamma na tumama sa kaniyang balikat, likod, tuhod, at ankle.

Mabuti na lang at agarang may rumesponde kung kaya mabilis na nakatanggap ng paunang lunas si Fiamma.

Ayon sa birthday celebrant, sa sobrang focus sa pelikula ay inakala nila na parte nito ang narinig nilang kalabog sa loob ng sinehan.

Dahil sa galit at pag-aalala na mapahamak ang kaniyang anak, nag-request ng refund si Fiamma.

Samantala, ayon naman sa ibang nanood din ng pelikula, maaaring nnag-ugat ang pagbagsak ng kisame dahil sa nagdaang malakas sa ulan sa lugar.

Sa mga nagbabalak manood ng sine diyan, kinabahan ba kayo sa insidente na ito o manonood pa rin kayo for the plot?

Hindi naman na bago sa atin ang paalala na “drink responsibly”, pero sana naman, unahin muna ang responsibilidad bago makipag-inuman. Paano ba naman kasi, nahuli ang dalawang nanay sa Arizona U.S.A. na inuuna ang pag-iinom bago bantayan ang kanilang mga anak sa isang pampublikong lugar.

Kung ano ang kinahinatnan ng mga bata, eto.

Pasado alas onse ng gabi noong March 11 nang makatanggap ng tawag ang Glendale Police Department mula sa mga concerned citizens nang makakita sila ng mga bata na nag-iisa sa isang parking lot.

Nang rumesponde ang mga pulis, inabutan nila hindi lang ang mga batang pakalat-kalat sa parking lot kundi isa pang bata sa loob ng isang sasakyan kasama ang isang umiiyak na sanggol.

Makalipas ang lagpas tatlumpung minuto, dumating ang mga nanay ng mga bata at sinabi sa mga pulis na labinlimang minuto silang nawala para magbanyo.

Pero agad kinontra ng mga pulis ang pagsisinungaling ng mga ito at sinabi na apatnapu’t limang minuto na nilang kasama ang mga bata.

Matapos subukang makalusot sa mga pulis, umamin din ang isa sa mga nanay at sinabing bukod sa paggamit ng banyo ng isang bar ay uminom din sila.

Bukod sa kasalanan ng mga ito na pag-iwan sa mga bata nang walang kasama, nadiskubre rin ng mga pulis ang marijuana sa isa sa mga compartment ng nasabing sasakyan.

Gayunpaman, nagawa pang makiusap at makipag-areglo ng mga nanay pero sa huli, inaretso pa rin sila ng mga pulis at mahaharap sa patung-patong na reklamo.

Samantala, ang mga bata naman ay nasa pangangalaga na ng mga kinauukulang ahensya.

Sa mga magulang diyan, anong masasabi niyo sa sinapit ng mga batang ito sa kamay ng mismo nilang mga nanay?

Tila naging isang double degree holder ang high school graduate na ito nang magmartsa ito kamakailan lang dahil sa pagtatapos nito hindi lang ng junior high school kundi pati na rin ng senior high school. Partida, nag-iisa lang din ito na naka-graduate sa kaniyang batch.

Kung paano ito nagawa ng babae, eto.

Itinuturing na one in a million chance ng estudyante mula sa Lousiana U.S.A. na si Diana Lopez ang pagtatapos niya kamakailan lang ng high school.

Paano ba naman kasi, aakalain mo na isa itong college graduate dahil mistula itong isang double degree holder nang magkasabay niyang natapos ang junior at senior high school.

Nagawa itong pagsabayin ni Diana dahil sa dual enrollment offer ng kaniyang eskwelahan na South Cameron High School. Ibig sabihin, habang nasa junior high school ay nag-enroll si Diana ng senior classes.

Bukod pa rito, mag-isa lang din si Diana na nagtapos mula sa nasabing eskwelahan para sa batch 2025. Ayon kay Diana, magkahalong saya at lungkot ang naramdaman niya dahil mag-isa lang siya sa klase.

Ito ay dahil nag-relocate ang mga estudyante nang tumama ang isa sa mga pinakamapaminsalang bagyo na hurricane Laura sa Louisiana noong taong 2020.

Dagdag pa ni Diana, pursigido siya na makapagkolehiyo dahil hindi siya nagmula sa isang financially stable na pamilya.

Samantala, nakakuha si diana ng 4.00 na GPA at pinarangalan bilang summa cum laude. Bukod pa riyan, nakatanggap naman si Diana ng college scholarship na nagkakahalaga ng $50,000 at nagbabalak na kumuha ng kursong nursing.

Sa mga academic achiever diyan, ano ang kwento niyo? Bakit at para kanino kayo nagsusumikap sa pag-aaral?

Naranasan mo na bang maghanap ng mga nawawala? Eh ang maghanap ng mga ayaw naman talagang magpahanap? Ganyan ang naging sitwasyon ng mga otoridad na muling binuksan ang animnapung taong gulang nang kaso ng isang babae na lingid sa kanilang kaalaman ay sadya palang ayaw magpakita.

Kung ano ang naging dahilan ng babae, eto.

Taong 1962 nang huling makita ang noo’y 20-anyos na si Audrey Backeberg mula sa Reedsburg, Wisconsin nang mag-hitchhike ito kasama ang isang babae patungo sa Indianapolis, Indiana.

Ayon sa nakasama ni audrey, naglakad umano ang babae papalayo sa isang bus stop at hindi na muling nakita pa.

Matapos ang anim na dekada, muling binuksan ang isa nang cold case na makailang beses noong sinubukang resolbahin ng Sauk County Sheriff’s Office.

Pinangunahan ni Detective Isaac Hanson ang panibagong imbestigasyon at muling ininterview ang mga dating witness kung saan nadiskubre niya ang isang address mula sa kapatid ni Audrey na matatagpuan sa labas ng Wisconsin.

Binisita ni Detective Hanson ang nasabing lugar ngunit matapos nito ay saka lang niya nakausap si Audrey sa pamamagitan ng isang phone call sa loob ng 45 minuto.

Ayon kay Detective Hanson, mayroon daw dahilan kung bakit umalis si Audrey ngunit hindi na ito tinukoy pa dahil nangako ang detective sa babae na pananatilihing pribado ang kanilang mga napag-usapan.

Dagdag pa ni hanson, base sa naging pag-uusap nila ni Audrey ay masaya at walang pinagsisisihan ang babae sa naging desisyon nito na magpakalayu-layo at mamuhay sa sarili niyang paraan.
Kaugnay nito, nilinaw ng mga imbestigador na ang pagkawala ni Audrey ay sarili niyang desisyon at hindi dulot ng isang krimen.

Sa mga marites at mahilig maki-hula diyan, ano sa tingin niyo ang dahilan ng tila isang kwentong pelikula na ito?

Award na sana, naging bato pa. Ganyang-ganyan ang sinapit ng isang high school graduate mula sa kansas city nang bigla na lang bawiin ng eskwelahan ang kaniyang award nang dahil lang sa kaniyang graduation speech.

Kung ano ang dahilan, eto.

Naudlot ang pagce-celebrate ng isa sa mga high school graduates ng Bishop Carroll Catholic High School sa Wichita, Kansas na si Austin Tran nang bigla na lang bawiin ng eskwelahan ang kaniyang award at medal.

Wala namang sinabi na hindi kaaya-aya ang bata sa kaniyang speech pero hindi raw ito aprubado ng eskwelahan.

Ang dahilan lang ng eskwelahan, masyado raw kasing mahaba ang speech ni austin at lumagpas sa required maximum time na four minutes.

Ayon sa social media post ng nanay ni Austin, inaprubahan na ang speech ng kaniyang anak ilang araw bago pa ang graduation.

Pero isang gabi bago ang kaniyang big day, bahagya raw itong ni-revise ni Austin dahil gusto nito na maging personal ang speech nang sa ganon ay masabi nito nang maayos ang kaniyang mensahe para sa kaniyang mga kaklase.

Marami rin sa mga nakapanood ng speech ni Austin ang nagandahan dito. Mayroon pa ngang nakapagsabi na halu-halong emosyon ang naramdaman nila nang marinig ito at nakapagpanumbalik ng mga alaala.

Samantala, dahil dito ay ilang online petitions ang sinimulan na umani na ng libo-libong participants. Bukod pa riyan, lumahok din ang mga alumnus ng nasabing eskwelahan at ibinalik ang mga natanggap nilang medal nang grumaduate sila noon bilang valedictorian ng kanilang batch.

Sa mga magulang diyan, anong masasabi niyo sa sinapit ng bata sa kwento? Sa tingin niyo ba ay reasonable ang pagbawi ng kaniyang award?

Kung madalas kang magreklamo sa tuwing tayuan sa mga nasasakyan mong bus, magrereklamo ka pa rin ba kapag nalaman mo na posible ka nang makasakay sa eroplano at makabyahe sa mas murang halaga? Pero ang plot twist, nakatayo ka sa flight mo.

Interesado ka na ba para sa mas affordable travel experience? Pakinggan mo muna ang kwento na ito.

Taong 2018 nang ipakilala ng Italian manufacturer na Aviointeriors sa Aircraft Expo 2018 sa Hamburg ang Skyrider 2.0.

Isa itong padded na upuan na mayroong pagkakahawig sa saddle o ‘yong inuupan ng mga kutsero ng kabayo. Bagama’t naka-anngulo ito nang 45 degrees at hindi nauupuan katulad ng tipikal na plane seats, naiulat na pumasa ito sa safety requirements at ligtas na gamitin sa flights.

Sa katunayan naiulat na mayroong mga european budget airlines na nagbabalak na tanggalin ang kanilang economy seats at palitan ito ng Skyrider 2.0.

Bukod sa inaasahang mas abot-kayang presyo ng plane tickets, inaasahan din na magagawa nitong pataasin ng 20% ang bilang ng mga pasahero na siya namang magreresulta sa mas malaking kita para sa mga airlines.

Pero hindi maaaring gamitin ang Skyrider 2.0 sa mahahabang flights dahil hindi katulad ng mga regular na upuan sa eroplano, hindi ito magiging komportable para sa mga pasahero dahil sa 45 degree angle nito.

Samantala, inaasahan na sa pagpasok ng 2026 ay maaari nang makita ang skyrider 2.0 sa mga eroplano pero wala pang airlines ang naiulat na nagkumpirma na sasabay sila sa nasabing innovation.

Sa mga traveler on a budget diyan, willing ba kayong tumayo sa eroplano para labg makapag-travel sa murang halaga?

Tunay nga naman na walang lihim ang hindi nabubunyag, lalo na kung ito ay isang krimen. At kahit gaano pa kaliit o kalaki ang ambag mo rito, mananagot ka pa rin sa batas pagdating ng oras. Gaya ng isang lalaki na tumulong sa mastermind ng isang million euros heist na nasintensyahan matapos ang limang taon.

Kung ano ang mga kaparusahan na natanggap ng mga ito, eto.

Arestado at napatawan ng 21 buwan ng suspended sentence at 240 na oras na unpaid work ang 37-anyos na si Frederick Doe nang mapatunayang guilty ito sa conspiracy to transfer criminal property.

Ayon sa Oxford Crown Court Judge na si Ian Pringle, nagsilbing middleman si Doe sa pagsasagawa ng krimen kung saan wala naman itong natanggap na kahit ano pabalik at nasangkot dito sa maigsing panahon lamang.

Taong 2019 nang isagawa ng isang grupo na kinabibilangan ng limang indibidwal ang pagnanakaw sa artwork ni Maurizio Cattelan na 18-carat gold toilet bowl sa isang exhibition na isinagawa sa blenheim palace kung saan ipinanganak ang dating Prime Minister ng United Kingdom na si Winston Churchill.

Mayroong bigat na 98 kilograms ang toilet bowl na mayroong 20 kilograms ng gold na nagkakahalaga 2.8 million euros.

Pagkatapos nito ay ang siya namang pagpasok ni Doe sa eksena dahil pumayag ito na tulungan ang mastermind na si James Sheen na ibenta ang mga gold dahil sa kaalaman nito sa mga mamahaling relos at kaugnayan sa jewelry district na Hatton Garden.

Samantala, nahatulan na ng burglary ang isa pang sangkot na si Michael Jones, habang si James Sheen naman ay guilty sa burglary at money laundering.

Sa mga may tinatagong baho diyan, maghintay lang kayo, at darating din ang oras para pagbayaran niyo ang mga kasalanan niyo.

Sa tindi init ng panahon ngayon, hindi mo dapat balewalain ang mga sakit na maaari mong ma-develop kahit gaano ka pa ka-healthy at active. Ganyan ang nangyari sa isang atleta at gymgoer mula sa Mexico matapos sumali sa isang competition na ginanap sa ilalim ng mataas na temperatura.

Ang buong kwento, eto.

Mayo a-dos, sa ilalim ng kainitan o temperatura na tinatayang aabot sa 35 degrees celcius nang lumahok ang 24-anyos na atleta mula sa Mexico na si Nayeli Clemente sa isang competition na tinatawag na Cholula Games, isang event na mayroong kaugnayan sa Crossfit o ang kilalang high-intensity workout program.

Binubuo ang cholula games ng iba’t ibang uri ng workouts na naka-sentro sa bilis at intensity ng mga kalahok katulad ng metabolic conditioning, squats, push-ups, gymnastics, running, weightlifting, at iba pang klase ng exercises.

Grupo-grupo nang isinagawa ang challenges ng nasabing competition.

Pero nang dumating ang oras para sa ‘team pyramid run’ o ang relay-style race kung saan salitan ang mga members ng bawat grupo sa pagtakbo, bigla na lang nahirapang huminga si Clemente at nawalan ng malay.

Mabuti na lang at kabilang sa mga nanonood sa nasabing event ang doktor na si Daniela Castruita kung kaya nabigyan ng CPR si Clemente habang hinihintay ang pagdating ng ambulansya.

Ngunit sa kasamaang palad, binawian din ng buhay si Clemente sa ospital dahil sa sudden cardiac arrest.

Naglabas naman ng statement ang Cholula Games at sinabing nakikipag-ugnayan sila sa pamilya ni Clemente para magbigay ng suporta sa mga ito.

Gayunpaman, pinutakte pa rin ng kritisismo ang Cholula Games dahil ipinagpatuloy pa rin umano nito ang event kahit na pumanaw ang isa sa mga kalahok nito.

Samantala, nagsagawa naman ng fundraising ang kuya ni Clemente na siyang nakalikom ng 270,000 dollars na ginamit para sa medical expenses dito.

Ikaw, sino sa tingin mo ang responsable sa insidente na ito?

Responsibilidad ng mga piloto na panatilihing ligtas ang kanilang mga pasahero. Pero hindi rin naman maiiwasan na magkaroon ng emergency ang mga ito, katulad na lang ng medical emergency at tawag ng kalikasan. Yan ang dahilan kung bakit ang isang eroplano mula sa germany ay panandaliang lumipad nang walang piloto!

Kung ano ang mga sumunod na pangyayari, eto.

Pebrero noong nakaraang taon nang lumipad ang isang flight ng Lufthansa Airline mula sa Frankfurt, Germany patungo sa Seville, Spain na mayroong sakay na 199 na pasahero at anim na flight crews nang bigla na lang himatayin ang isa sa mga piloto nito.

Bagama’t hinimatay ang co-pilot, nagawa pa rin umano nito na kontrolin ang eroplano at napanatili itong stable.

Bigo rin ang air traffic controller nang tatlong beses nitong kontakin ang nasabing piloto.

Sa kasamaang palad, habang nangyayari ang insidente ay nasa lavatory ang kapitan ng eroplano, at nang bumalik ito sa cockpit ay hindi nito nabuksan ang pinto kung kaya napilitan itong gamitin ang emergency code.

Mabuti na lamang at mayroong pasahero na flight crew at doctor na nagbigay ng first-aid sa co-pilot bago ito dalhin sa ospital matapos mag-reroute ang kapitan patungo sa Adolfo Suarez Madrid-Barajas Airport.

Ayon sa mga otoridad, wala umanong ideya ang co-pilot na mayroong itong neurological condition na hindi lumitaw sa kaniyang aeronautical medical examination.

Samantala, sinabi naman ng Lufthansa Airline na nagsagawa na ng imbestigasyon ang kanilang flight safety department.

Sa mga palagiang lumilipad diyan, naka-witness na rin ba kayo ng ganitong insidente habang nasa ere?