Muling tiniyak ng Western Mindanao Command (Wesmincom) na hindi maaabuso ang anti-terrorism law.
Ayon kay Lt. General Cirilito Sobejana, Commanding General ng Wesmincom, isasalang muna niya sa seminar ang kanyang mga sundalo para ipaliwanag sa kanila ang mga probisyon ng anti-terrorism law.
Hindi rin anya nila ipinatutupad ang batas kahit pa nagkabisa na ito hanggat wala ang implementing rules and regulations (IRR).
Hinihintay na lang namin yung implementing rules and regulations, ang sabi ng mga abogado natin dito sa organization even without that kung meron ng violations pwede na nating ma-implementa pero nakikita ko kailangan may gagawin tayong internal processes, kailangan i-educate natin yung mga kasamahan natin sa Armed Forces para sa ganun naiintindihan nila yung probations na nakalagay sa anti-terror law,” ani Sobejana.
Sa ngayon, sinabi ni Sobejana na walo pang dayuhang terorista ang natukoy nilang nasa mindanao samantalang 59 na iba pa ang nasa watchlist.
Yung iba nakuha na natin, 5 of them dun sa Sulu kamakailan, yung nagpasabog dun sa Basilan 2 years ago at last year naman yung doon sa Sulu,” ani Sobejana. — panayam mula sa Ratsada Balita.