Pinaplantsa na ng grupo ng Anti-Martial Law activists ang protesta na tinaguriang ‘The Power Of We’ sa Pebrero 25 sa People Power Monument sa Quezon City.
Umapela ang February 25 Movement sa publiko na makiisa sa nasabing protesta, kasabay ng paggunita sa ika-31 Anibersaryo ng EDSA People Power Revolution.
Ipinaalala ng grupo na hindi dapat kalimutan na lang ang matagumpay na pagpapatalsik sa diktaturyang Marcos matapos ang 21 taon.
Kasabay nito, ipinabatid ng grupo na ipananawagan din nila ang pagtigil sa nagpapatuloy na pagpatay kasunod ng war on drugs ng administrasyong Duterte.
By Meann Tanbio
