Palalakasin pa ni bagong NCRPO Chief Guillermo Eleazar ang operasyon kontra iligal na droga.
Ayon kay Eleazar, kanilang paiigtingin ang intelligence monitoring lalo na sa mga drug personalities na itinuturing na mga high value targets.
Kabilang dito ang mga sindikato ng mga pulis na sangkot sa mga iligal na aktibidad at iba pang mga sindikatong grupo.
Binigyang diin ng NCRPO Chief na kung gaano siya kasigasig bilang direktor ng PNP Calabarzon ay kanya pa itong dodoblehin sa kalakhang Maynila.
Babala naman ni Eleazar sa mga pasaway na pulis o sa mga pulis iskalawag, tiyak na may kalalagyan ang mga ito.
—-