Pinatulan ni Jake Ejercito ang komento ng isang netizen sa instagram post niyang litrato nilang magkayakap ng anak na si Ellie.
Ang nasabing litrato ay kuha sa airport kung saan nasa capton ni Jake ang lungkot na nadarama sa pag-uwi ng anak sa Siargao kung saan naka-base ang ina nitong si Andi Eigenmann.
Ayon sa netizen, malaking leksyon sa mga magulang na dapat ikonsider ang mga anak bago maghiwalay.
Sinagot ito ni Jake at sinabihan ang netizen na hindi tamang i-over generalize ang sitwasyon nila ni Andi dahil mas hindi aniya tamang ipilit ang isang bagay na sa huli ay hindi magdudulot ng maganda para sa anak.
Binigyang-diin ni Jake na hindi man sila nagkatuluyan ni Andi, kapwa nila aniyang sinisikap nilang magkaroon ng maayos na co-parenting relationship para kay Ellie na siyam na taong gulang na.
