Nagkasundo na ang aktres na si Andi Eigenmann at ang dating karelasyon nito na si Jake Ejercito sa usapin kaugnay ng kanilang 5-taon na anak na si Ellie.
Ito ang inamin ni Andi at sinabing bilang isang ina ang kapakanan lamang ng kanyang anak ang kanyang iniisip.
Ayon kay Andi, nabibigyan na ng sapat na oras at pagkakataon si Jake para makasama ang kanilang anak na si Ellie.
Aniya, nais niya ring lumaki ang anak na si Ellie na kumpleto ang pagkatao at parte nito ay ang makasama ang ama nito.
Dagdag ni Andi, kung anuman ang hindi nila pagkakaunawaan ni Jake ay kanilang isinasantabi basta para sa ikabubuti ng kanilang anak.
Matatandaang noong Abril lamang ay naghain si Jake ng joint custody para sa anak na si Ellie.
By Krista de Dios
