Pumanaw na ang nag-iisang anak ng sikat na singer na si Whitney Houston na si Bobbi Kristina Brown.
Kinumpirma ng kanyang pamilya ang pagpanaw ng 22-taong gulang na dalaga sa isang hospice facility sa Atlanta.
Matapos na ma-comatose ng higit sa 6 na buwan, sinasabing nagdesisyon na ang kanyang pamilya sa pangunguna ng kanyang amang si Bobby Brown na itigil na ang pagbibigay sa kanya ng gamot nang sabihin ng mga doktor na wala nang pag-asa ang magkamalay pa si Brown.
Enero ngayong taon nang matagpuan walang malay sa kanyang bathtub si Brown na may mga sugat at mga galos.
Matatandaang taong 2012 nang matagpuan din sa bathtub ang kanyang inang si Whitney na walang buhay dahil sa drug overdose.
By Rianne Briones
