Inihatid na sa kanyang huling hantungan ang Founder at Chairman Emeritus ng ALC Group of Companies at dating Ambassador to Laos Antonio Cabangon Chua.
Bago ang libing, pinangunahan muna ni Manila Archbishop Emeritus Gaudencio Cardinal Rosales ang huling misa para kay “Amba”.
Ngunit bago tuluyang dalhin sa San Felipe Neri Catholic Cemetery di kalayuan sa simbahan, inikot muna ang kanyang karosa sa lugar na kanyang kinalakhan sa Barangay Namayan.
Pagdating sa sementeryo, nag-alay ng huling panalangin ang mga dumalo na sinamahan pa ng mga awitin habang ipinapasok ang kabaong sa nitso.
Kasunod nito, nagpaabot naman ng huling mensahe ang isa sa mga anak ni Amba na si D. Edgard Cabangon.
LISTEN: Bahagi ng pahayag ni D. Edgard Cabangon
By Jaymark Dagala
Photo from: Jill Resontoc / Eric Cabusao/ Jonathan Andal* Video: Alex Santos
