Nagpositibo sa COVID-19 si Mayor Franklin Odsey ng Bontoc, Mountain Province.
Sa inilabas na pahayag ng alkalde, nagpositibo siya sa COVID-19 noong ika-15 ng Enero at siya’y nakasailalim na sa isolation.
Wala namang nararamdamang sintomas ang alkalde.
Samantala, muling nagpapaalala ang munisipalidad ng Bontoc na patuloy na sumunod sa kanilang ipinatutupad na mga health protocols.
Ito’y matapos kumpirmahin ng Department of Health (DOH) na mayroong 12 katao ang nagpositibo sa UK variant ng COVID-19 sa Bontoc, sa Mountain Province.
Isinailalim naman sa isang linggong lockdown ang 3 barangay sa Central Bontoc hanggang ika-24 ng Enero at patuloy naman ang imbestigasyon ng DOH sa naturang pangyayari.
JUST IN: Bontoc, Mountain Province Mayor Franklin Odsey nagpositibo sa COVID-19 | via Municipality of Bontoc
Posted by DWIZ 882 on Saturday, 23 January 2021