Nanindigan ang Malakanyang sa desisyon na ibalik sa mas maluwag na alert level 2 ang Metro Manila at pitong iba pang lugar sa kabila ng pangamba ng mga eksperto na premature ang nasabing hakbang.
Ayon kay acting presidential spokesman at cabinet secretary Karlo Nograles, mayroong sinusunod na batayan ang NCR at iba pang lugar upang isailalim ang mga ito sa alert level 2.
Ang government metrics anya sa pagdetermina ng COVID-19 alert level status ay kinabibilangan ng bed utilization rate, average daily attack rate at two-week growth rate.
Ipinunto ni nograles na pagdating sa NCR ay nasa below 49% ang total bed utilization maging sa Bulacan, Rizal, Cavite, Biliran, Southern Leyte, Basilan at Batanes.
Dahil anya nasa zero hanggang 49% na pinaka-mababang classification para sa total bed utilization, nasa low risk na ang mga naturang lugar kaya’t isinailalim muli sa alert level 2 simula kahapon hanggang Pebrero a–15.
