Ikinabahala ng grupong Gabriela ang akusasyon ni Major General Antonio Parlade Jr., Armed Forces of the Philippines (AFP) Deputy Chief of Staff for Civil Military Operations, laban sa kanila.
Ayon kay Joms Salvador, secretary general ng Gabriela, posibleng malagay sa panganib ang buhay ng kanilang mga miyembro dahil sa bintang ni parlade na komunista umano ang kanilang grupo.
Lalo aniyang magiging bukas sa pag-atake ng pulis at militar ang grupong Gabriela lalo na’t iniuugnay sila na miyembro ng CPP-NPA.
Mariin naman itong pinabulaanan ni Salvador at wala anyang katotohanan ang bintang ni Parlade.
Lumang taktika na anya ang ginagawa ng AFP para sirain ang kanilang grupo.
