Inihayag ng DILG na tuloy ang mga aktibidad para sa ASEAN Summit sa Bohol, sa kabila ng nangyaring sagupaan sa pagitan ng militar at Abu Sayyaf Group sa bayan ng Inabanga.
Ayon kay DILG Officer in Charge Catalino Cuy, nananatiling ligtas na pagdausan ng ASEAN summit ang Bohol lalo’t hindi naman naapektuhan ng naturang insidente ang ibang lugar sa lalawigan.
Sinabi ni Cuy na aabot sa apatnaraang tauhan mula sa Philippine National Police, Armed Forces of the Philippines at emergency response units ang ipakakalat sa kasagsagan ng ASEAN Summit.
Ang ASEAN activities sa Bohol ay gaganapin sa Henna Resort sa Panglao mula April 19 hanggang 20 kung saan tinatayang nasa 200 delegado ang magtutungo dito.
By: Meann Tanbio