AFP magbibigay ng ayuda sa PNP para sa SONA

Magtatalaga rin ng puwersa ang Armed Forces of the Philippines o AFP sa ikalawang SONA o State of the Nation Address ni Pangulong Rodrigo Duterte.

Ito ay bilang ayuda sa PNP o Philippine National Police na namumuno sa pagbibigay ng seguridad sa SONA sa Lunes, Hulyo 24.

Ayon kay AFP Public Affairs Office Chief Col. Edgard Arevalo, kanila na lamang inaantabayanan kung saan sila ipoposte ng PNP.

Aniya, may iba pang nakaantabay na tropa ng militar na magsisilbing back-up sakaling kailanganin pa ng karagdagang ayuda ng pulisya.

Giit pa ni Arevalo, walang partikular na banta sa araw ng SONA ng Pangulo maliban sa naunang ulat na planong panggugulo ng NPA sa Davao City.

By Krista de Dios | ulat ni Jonathan Andal (Patrol 31)

Comments

comments