Pinapurihan ni Armed Forces of the Philippines (AFP) Chief of Staff Gen. Andres Centino ang mga tropa ng Eastern Mindanao Command (EASTMINCOM).
Ito’y dahil sa kanilang naging tagumpay sa kampaniya kontra sa New People’s Army (NPA) na itinuturing nilang Communist Terrorist Group.
Ginawa ni Centino ang pahayag kasabay ng kaniyang naging pagbisita sa Headquarters ng 1003rd Infantry Brigade sa Bunawan District, Davao City at 403rd Infantry Brigade sa Malaybalay City, Bukidnon.
Kabilang sa naging tagumpay ng EASTMINCOM ay ang pagkakabuwag sa Sub-Regional Committee 5 ng NPA at ang pagkakasawi ng mga pinuno ng NPA na sina Jorge Madlos at Menardo Villanueva.
Kasabay nito, ginawaran ng medalya ni Centino ang mga natatanging tauhan na naging bahagi ng operasyon laban sa Komunistang Grupo.
Pinaalalahanan din nito ang mga sundalo na manatiling disiplinado habang tinutupad ang mandato na wakasan ang communist insurgency at tiyakin ang seguridad ng halalan 2022. —sa ulat ni Jaymark Dagala (Patrol 9)
\
