Halos 100 ang arestado sa isinagawang simultaneous anti-criminality and law enforcement operation sa Parola Compound sa Tondo, Maynila kagabi.
Ayon kay Senior Inspector Edwin Fuggan, commander ng Delpan Police Community Precint, iba’t ibang paglabag ang kinasangkutan ng 97 kataong naaresto.
Sinabi ni Fuggan na 46 rito ay lumabag sa ordinansa sa lungsod dahil sa pag-inom ng alak sa kalsada at sa mga walang suot na damit pang-itaas.
Nahulihan naman ng tig isang sachet ng hinihinalang shabu ang limang naaresto.
Pinakawalan naman ang iba pang naaresto matapos walang napatunayang ulat ng paglabag.
Ipinabatid ni Fuggan na sila ay nagsasagawa na ng sacleo upang maiwasan na rin ang krimen sa mga lansangan.
