Umakyat na sa walo ang bilang na nasawi sa naganap na aksidente sa bayan ng Lubao, Pampanga, noong linggo.
Ito ay makaraang masawi rin ang isang sugatang pasahero.
Batay sa ulat, dakong alas-4 ng hapon nang mangyari ang insidente habang nag-aabang ng masasakyan ang mga biktima na papuntang San Fernando sa isang waiting shed.
Hindi na nagawang makaiwas ng mga biktima nang biglang araruhin sila ng mini bus.
Sa ngayon ay hindi pa rin nakakausap ng mga otoridad ang driver ng bus na siyang susi upang mabatid ang sanhi ng akdsidente.
Kakasuhan ng multiple homicide at physical injuries and damage to properties ang driver ng mini bus.
Tumutulong na rin ang highway patrol group sa pag-iimbestiga sa malagim na aksidente.
