Epektibo na simula ngayong araw ang pagpapatupad ng 8-digit landline number mula sa dating 7 digits na layuning mabigyan ng mas mabilis na serbisyo ang mga dumaraming landline subscribers sa Metro Manila na may area code na 02.
Ayon kay Department of Information & Communications Technology (DICT) Usec. Eliseo Rio Jr., naubos na aniya kasi ang 7 digits sa Metro Manila kaya’t kinakailangan na nila itong dagdagan.
Batay sa inilabas na memorandum order ng National Telecommunications Commission (NTC), inaatasan nito ang lahat ng telcos na idagdag ang numero otso sa simula ng mga telephone numbers para sa mga subscriber ng PLDT at Smart.
Habang numero siete naman ang kailangang idagdag ng mga tatawag sa Globe subcribers at numero tres naman kung ang tatawagan ay naka-subscribe sa Bayan Telco.
