Aabot sa 75 kababaihang kadete ng Philippine Military Academy ang nagsipagtapos ngayong araw sa Fort Del Pilar, Baguio City.
Ayon kay PMA Spokesperson Lt. Col. Rey Balido, sa nakalipas na 81 taon, ngayon na lamang muling pumalo sa 75 o pitumpot lima ang bilang ng mga female graduates ng PMA.
Pahayag ni Balido, ang bilang na ito ng mga female grads ng “PMA Alab Tala Class ” of 2018 ang dahilan kung bakit itinuturing nilang espesyal ang graduation ceremonies ngayong taon.
Base sa ulat, sa 282 cadets na nagsipagtapos ngayong araw, 207 dito ang lalake at 75 naman ang babae.
Noong nakalipas na taon, umabot lamang sa 63 female cadets ang nagtapos sa PMA.
