6 na tao ang patay habang marami pa ang nawawala sa nangyaring pagguho ng lupa dahil sa tuloy tuloy na pag-ulan sa India.
Ayon sa mga rescuers sa Northern India, hanggang sa ngayon ay hinuhukay pa rin nila ang mga lupa dahil maraming biktima ang natabunan sa nangyaring insidente.
Nakita sa ilang video na ibinahagi sa social media na inagos ng baha at pagguho ng lupa ang mga kalsada at mga sasakyan sa naturang lugar.
Sinabi ng mga opisyal na narekober nila ang isang bangkay at limang tao ang nailigtas ngunit may dalawa pang bangkay ang natagpuan sa naturang pagguho ng lupa sa ilang parte ng lugar.
Nagbabala naman ang ilang otoridad sa mga turistang bumibisita sa naturang lugar na wag munang pumasyal rito dahil na rin sa banta ng COVID-19 at sa nangyaring insidente.
