Anim na wanted persons ang patay habang 38 ang arestado sa one-time bigtime operation ng mga awtoridad sa magkakahiwalay na lugar sa North Cotabato.
Kinilala ang mga nasawi na sina Jerry Castillon, kapatid na si John Rey, residente ng bayan ng tulunan na may warrant dahil sa illegal drugs at gun possession; John Ryan Lapastura, Angelito Cabalfin ng Barangay Poblacion, Tulunan; Ronnie Acoy at Samboto Macaulang ng bayan ng Kabacan.
Ayon kay Senior Supt. Jonathan Tangonan, hepe ng North Cotabato Provincial Police Office, pawang nakipagbarilan sa mga pulis ang anim na napatay.
Naglunsad din ng operasyon sa Kidapawan City, mga bayan ng Makilala, Magpet, Antipas, President Roxas, Arakan, M’lang, Matalam, Carmen, Pigcawayan, Aleosan, Midsayap, Libungan, Alamada at Banisilan.
