Nakapagtala ang Department of Health (DOH) ng 55 karagdagang kaso ng COVID-19 Delta variant.
Dahil dito, ayon sa DOH, umakyat na sa 119 ang kabuuang bilang ng mas nakakahawang variant sa bansa.
Inihayag ng ahensya na ang 37 sa mga bagong impeksiyon ay local cases habang Returning Overseas Filipinos (ROF) naman ang 17 iba pa.
Sa kasalukuyan, bineberipika pa ng DOH kung ang isa pang kaso ay ROF o local case.
