Patuloy na pinalalakas ng SM Foundation ang Kabalikat sa Kabuhayan (KSK), isang programang upang mapataas ang kakayahan at kita ng mga magsasaka.
Ayon sa datos ng foundation noong 2024, nakapagsagawa na ito ng mahigit 400 pagsasanay sa buong bansa para sa higit 32,000 magsasaka.
Noong Agosto 8, sinimulan ang bagong batch ng training para sa 100 magsasaka sa Cagayan de Oro. Nagtapos din noong Agosto 6 ang 100 magsasaka sa San Juan, Batangas at 100 pa mula Sariaya at San Andres, Quezon noong Agosto 13.
Nakatakdang palawakin pa ang KSK sa mas maraming lugar ngayong taon bilang suporta sa food security at kabuhayan ng mga magsasaka.
Market tour para sa mga KSK graduates. Bahagi ng programa ang pagikot sa SM Markets upang paigtingin ang farm-to-market linkages at ang kanilang kaalaman sa marketing.
Ipinapakita ng isang KSK graduate mula Batangas ang okrang itinanim at inani nila sa pagsasanay. Misyon ng programang matutunan ng mga magsasaka ang pagtatanim ng high-value crops gamit ang makabagong pamamaraan.
100 magsasaka mula Cagayan de Oro ang sasailalim sa 14-linggong pagsasanay sa Kabalikat sa Kabuhayan Farming Program
