Aabot sa 52 katao ang nasawi matapos ang naganap na sunog sa isang juice factory sa bansang Bangladesh.
Sinabi ni Deputy Director of The Fire Service and Civil Defense Debhashis Bardhan, nagsimulang kumalat ang apoy sa ground floor ng anim na palapag na gusali ng Hashem Foods Ltd. factory sa rupgang, bangladesh.
Mabilis na nilamon ng apoy ang gusali dahil sa mga kemikal na madaling magliyab dahilan upang hindi agad naapula ang sunog.
Base sa inisyal na ulat, tatlo sa mga manggagawa na binawian ng buhay ang tumalon mula sa taas ng gusali na nagtamo ng maraming sunog sa katawan.
Hindi naman naging madali ang pagkilala sa mga biktima dahil hindi na aniya ma-identify ang mga ito.
Nasagip naman sa nangyaring traheda ang nasa 25 indibidwal.
