Patay ang limang indibidwal matapos mahulog sa bangin ang sinasakyang kotse sa bayan ng Jharkhand, India.
Ayon sa imbestigasyon ng isang police official, mabilis ang patakbo ng drayber sa sasakyan nang mawalan ito ng kontrol at mahulog sa 100 talampakang lalim ng nasabing bangin.
Napag-alamang magkakamag-anak ang mga nasawi matapos na makuha ang mga labi nito.
Samantala, karaniwang nangyayari ang mga aksidente sa kalsada ng india na kadalasang dahil sa sobrang karga, masamang kondisyon ng mga kalsada at walang ingat na pagmamaneho.—sa panulat ni Joana Luna
