Patay ang limang miyembro ng Abu Sayyaf nang maka-engkuwentro ang mga sundalo sa barangay Panglahayan sa Patikul Sulu.
Batay sa ulat ng Western Mindanao Command, anim ang nasugatan sa mga tauhan ng 5th Scout Ranger Batallion na pimumunuan ni Lt. Col. Marlon Jomalesa.
Nakasagupa ng mga sundalo ang grupo ng mga bandido na nasa ilalim ni Radulan Sahiron at sub-leaders na sina Julie Ekit, Amlon Abtahi at Amah Asam.
Bahagi ito ng operasyon ng militar na patuloy na tugisin ang Abu Sayyaf.
—-
