Inaasahan na ng isang eksperto na maraming bakuna kontra Covid-19 ang hindi magagamit at masisira na lang sa bansa.
Ito ay matapos lumabas kahapon sa datos ng Department of Health na aabot sa mahigit 31 milyong doses ng Covid-19 vaccines, ang nasira sa Pilipinas na nagkakahalaga ng P15.6B.
Sa panayam ng DWIZ kay Dr. Rontgene Solante, Infectious Disease Expert sinabi nito na inaasahan na niya ang nangyari lalo’t na-extend ng isang beses ang shelf-life ng mga bakuna.
Hindi mo naman pwedeng pangalawang extension, pangatlong extension mayroon lang talagang isang extension iyan na pwede natin pang gamitin but another extension, medyo i-strech out mo na iyan as long as maganda ang storage niya, maganda ang pagka-preserve pwede naman pero yun ding isa sa mga nakita namin, may mga iba na nalaman na extended na yung expiration nito ayaw nila, gusto nila yung bago, isa sa mga factors ‘yan..” Dr. Rontgene Solante, Infectious Disease Expert
Inilatag naman ni Solante ang tamang paraan ng pagtapon ng mga bakunang na-expire na, upang hindi ito magamit sa pananamantala.
Meron namang process na tinatawag natin na itago ‘yan noh, hindi naman itatapon usually inililibing yan sa hukay para lang wala ng makakakuha niyan, hindi na magagamit. Yun yung standard kasi alam mo pagtinapon mo lang yan tapos may makakuha delikado baka itatago pa tapos ire-ref tapos ibebenta yan yung medyo problema riyan so talagang it has to be secured and it should be disposed properly na hindi rin naman makakasira sa environment…” Dr. Rontgene Solante, Infectious Disease Expert
Samantala, para maiwasang maulit ang pagkasayang ng mga bakuna, ipinayo ng eksperto sa gobyerno na bumili ng Covid-19 vaccines na akma lamang sa target na populasyon.
If the government is planning to buy yung bagong bakuna, yung bivalent vaccine hindi na iyan bulto-bulto it should be in a limited number of volume and the number will now be defined based on sino yung mga vulnerable population, and on that note kung halimbawa ibibigay natin sa general population mababa ang percentage na ibibigay doon if the recommendation will be everytime magbibigay sa general population yun din lang yung mga vulnerable population ng general population kagaya ng 18 years old ang above na may commorbidities” Dr. Rontgene Solante, Infectious Disease Expert
Ang tinig ni Dr. Rontgene Solante, Infectious Expert sa panayam ng DWIZ
