Apat (4) na hinihinalang miyembro ng NPA o New People’s Army ang patay makaraang makabakbakan nito ang militar sa Masbate kaninang umaga.
Batay sa impormasyon mula sa 9th Infantry Division ng Philippine Army, alas-6:30 kaninang umaga nang maka-engkuwentro ng tropa ng 903rd Brigade ang humigit kumulang sa dalawampung (20) rebelde sa barangay Pangle sa bayan ng Aroroy.
Maliban sa apat (4) na napuruhan, narekober din ng militar ang limang (5) baril sa pinangyarihan ng bakbakan.
Patuloy naman ang isinasagawang hot pursuit operations ng mga awtoridad hinggil sa nangyaring engkuwentro.
By Jaymark Dagala
