Apat (4) kabilang ang dalawang (2) sundalo ang patay habang sampu (10) naman ang sugatan sa engkuwentro ng militar at ng New People’s Army (NPA) sa Davao City.
Ayon kay Philippine Army Spokesman Col. Benjamin Hao, patungo sana sa kanilang detachment sa bahagi ng Binaton ang tropa ng 3rd Infantry Battalion nang tambangan sila ng mga rebelde sa bahagi ng Bilangkad sa Barangay Lamanan sa Calinan District.
Sakay ang mga nasabing sundalo ng KM250 at apat na KM 450 utility truck na dapat sana’y magsasagawa ng pursuit operations laban sa mga hinihinalang miyembro ng Pulang Bagani Command ng NPA.
Muli na namang sumiklab ang serye ng mga bakbakan sa pagitan ng dalawang (2) panig nang ipatigil ni Pangulong Rodrigo Duterte ang usapang pangkapayapaan sa pagitan ng pamahalaan at ng bagong hukbong bayan sa ilalim ng partido komunista ng Pilipinas.
By Jaymark Dagala
