Bumagsak sa kamay ng mga awtoridad ang apat na kilabot umanong tulak ng droga sa magkahiwalay na buy-bust operations kung saan nasabat mula sa mga ito ang P177,000 na halaga ng hinihinalang shabu sa Bacolod City.
Ayon sa Police Station 8, unang nahulihan ng P136,000 na halaga ng umano’y shabu sina Carl John Rula at Rodel Remegio sa Barangay Pahanocoy.
Nakumpiska rin mula sa kanila ang dalawang coin purses, isang disposable lighter, at isang improvised tooter.
Sa isa pang operasyon sa Barangay 30, nadakip naman sina Fritz Erespe at Maricon Elpos at nakuhanan ng higit P40,000 na halaga ng hinihinalang shabu.
Inihahanda na ang kaukulang kasong isasampa laban sa mga suspek.
