Papalo na sa tatlongdaan at dalawampu’t apat katao ang patay sa nararanasang pagbaha dulot ng walang humpay na pag-ulan sa India.
Ayon sa ulat, marami sa mga nasawi ay natabunan ng debris dahil sa landslides.
Samantala, nasa mahigit dalawandaang libong residente ng siyudad ng Kerala ang kinailangang lumikas dahil sa pagbaha.
Daan-daang tropa naman ng pamahalaan ang nagtutulong-tulong ngayon para sagipin ang mga sinalantang residente.
Nanawagan naman ang pamahalaan sa kanilang mamamayan na makinig at sumunod sa kanilang mga abiso lalo na kung kinakailangan nang lumikas.
