Mag-iinhibit si Supreme Court Senior Associate Justice Antonio Carpio at 2 kapwa mahistrado nito.
Ito’y sa sandaling magpasaklolo na sa High Tribunal si Senadora Grace Poe hinggil sa disqualification case na kaniyang kinahaharap.
Ayon kay Carpio, hindi nila maaaring repasuhin ang kanilang sariling desisyon sa reklamo kung saan, kasama siya gayundin sina Associate Justices Teresita de Castro at Arturo Brion sa Senate Electoral Tribunal o SET.
Paniwala ni Carpio, lalong lalala at magiging kumplikado ang reklamo laban kay Poe sa sandaling makarating na ito sa Korte Suprema.
Una rito, pinagtibay ng SET ang nauna nitong desisyon na nagsasabing natural born citizen si Poe kung saan, bumoto ang 3 mahistrado kontra rito kasama si Senadora Nancy Binay.
By Jaymark Dagala
