Tatlo (3) katao ang nasawi habang maraming iba pa ang nasugatan matapos araruhin ng isang truck ang isang department store sa Stockholm, Sweden.
Ayon kay Swedish Prime Minister Stefan Lofven, pinakikilos na nila ang kanilang intelligence service makaraang matuklasan na terror attack umano ang naganap at hindi aksidente.
Isiniwalat ni Lofven na may naaresto nang suspek, bagay na pinabulaanan naman ng Swedish police.
Lumilitaw na na-hijack lang umano ang truck at pagkatapos ay isinalpok ito ng mga terorista sa department store.
By Jelbert Perdez