Naghain na ng sagot si presidential aspirant at dating senador Ferdinand “Bongbong” Marcos Jr. sa Commission on Elections kaugnay ng tatlong disqualification cases laban sa kanya.
Kinumpirma ito ni COMELEC Commissioner James Jimenez pero hindi naglabas ng karagdagang detalye.
Ang mga kaso ay magkakahiwalay na inihain ng grupo nina Bonifacio Ilagan, AKBAYAN at kasama nitong petitioners, at ni Abubakar Mangelen kabilang na ang pagpapabasura sa Certificate of Nomination at Acceptance ni Marcos.
Isinumite ng kampo ng dating senador ang tugon nito sa 1st division ng Poll body na binubuo nina Commissioners Rowena Guanzon, Aimee Ferolino at Marlon Casquejo.
Itinakda ang preliminary conference sa mga nasabing kaso sa Enero a–7 ng susunod na taon. —sa panulat ni Drew Nacino
