3 bagyo at 2 LPA binabantayan ng PAGASA

Binabantayan ngayon ng PAGASA o Philippine Atmospheric Geophysical and Astronomical Services Administration ang tatlong (3) bagyo at dalawang (2) LPA o low pressure area sa loob at labas ng PAR o Philippine Area of Responsibility. .

Ayon sa PAGASA, huling namataan ang LPA na nasa loob ng PAR sa layong 440 kilometro silangan hilagang-silangan ng Guian Eastern Samar at posibleng maging ganap na bagyo sa loob ng 24 oras.

Habang binabantayan din ang mga bagyong may international name na Noru at Kulap sa labas ng PAR at nasa hilagang silangan ng Pilipinas.

Gayundin ang tropical storm Sonca sa may dakong kanluran ng bansa at isa pang LPA sa hilagang silangan na parehong nasa labas ng PAR.

Bagama’t sinabi ng PAGASA na maliit ang tiyansa na pumasok ang nasabing tatlong bagyo sa bansa, ay nakakaapeto naman ito sa habagat na umiiral sa kanlurang bahagi ng Luzon at Visayas.

By   Krista de Dios

Comments

comments