Target ng gobyerno na magsagawa ng tatlong araw na “National Vaccination Drive” kontra COVID-19.
Ito ang inihayag ni Vaccine Czar Carlito Galvez Jr. ngayon aniyang hindi na problema ang suplay ng bakuna kontra COVID-19 sa bansa ngayong taon.
Ani Galvez, magiging kaisa sa National Vaccination Drive ang lahat ng ahensya, kabilang na ang militar, mga government agencies maging ang pribadong sektor kung saan inihalintulad ni Galvez ang event na ito sa eleksyon.
Iminungkahi din umano ng Philippine Medical Association na gawing inoculation sites ang mga eskwelahan.
Una nang inihayag ng gobyerno na target na mabakunahan ang 70% ng kabuuang populasyon ng bansa bago matapos ang taon. —sa panulat ni Airiam Sancho
