250 revenue examiners ang iniimbestigahan ngayon ng Bureau of Internal Revenue at namimiligrong masibak sa puwesto.
Ito ay makaraang matuklasan ni BIR Commissioner Cesar Dulay na maraming letters of authority ang nakatengga lamang sa kamay ng mga revenue officers ng hangang dalawang taon at walang ginawa ang mga ito.
Pinagpaliwanag aniya nito ang mga revenue officers kung bakit hindi ginawa ang mga tungkulin para sa mas pinalakas na pangungulekta ng buwis.
Sinabi ni Dulay na hindi niya maiwasang mag-isip ng masama dahil bakit pinatagal ng mga revenue officer sa kanilang kamay ang mga dokumentong dapat sana ay magamit para sa epektibong pangungulekta ng buwis.
By: Aileen Taliping
