Nakatakdang dumating ngayong hapon ang 25 Pilipino na inilikas mula sa Syria.
Ayon sa Department of Foreign Affairs (DFA), ang naturang grupo ay nagmula sa Aleppo at sa Damascus.
Nitong Martes ay nagbiyahe ang grupo, kasama ang mga kinatawan ng embahada ng Pilipinas sa Damascus, patungo sa Lebanon at sila ay sinalubong ng mga staff ng embahada sa Beirut.
Samantala, patuloy pa din ang panawagan ng DFA sa mga Pilipino na nasa syria na i-avail na ang alok na mandatory repatriation ng pamahalaan.
Sa ngayon, umaabot na sa halos 6,000 Pilipino ang nailikas ng pamahalaan mula sa Syria.
By Katrina Valle | Allan Francisco
