Timbog ang 25 katao sa Cubao, Quezon City dahil sa online sabong.
Sinugod ng mga otoridad ang isang compound sa Barangay San Roque sa Cubao matapos makatanggap ng sumbong hinggi sa ilegal na pasugalan.
Inabutan ng mga otoridad sa kuwarto ang mga kalalakihang ang ilan ay walang suot na face mask bukod sa mga menor de edad na tumatanggap pa ng taya.
Bukod sa paglabag sa panuntunan ng social gathering bilang bahagi ng quarantine protocols, sinabi ng mga otoridad na nag iinuman din ang mga suspek na ang ilan ay tumatangging tumataya sila.
Ikinatuwiran ng operator ng online sabong na kailangan nilang kumita dahil wala silang pambayad sa puwesto.
