Nareskyu ng Philippine National Police (PNP) ang dalawamput apat na babaeng biktima umano ng human trafficking sa Parañaque City.
Ayon sa PNP, agad silang sumalakay sa lugar makaraang makatanggap ng intel report hinggil sa umano’y mga babae na itinatago sa 3 condo units para magsagawa ng aktibidad.
Nasagip ang mga biktima na kinabibilangan ng 16 na vietnamese at 8 chinese nationals.
Naaresto naman sa operasyon ang 2 chinese nationals na sinasabing nagpapatakbo sa human trafficking activity.
Dinala na ang mga biktima sa women and children’s protection desk para sa proper documentation habang nakatakda namang sampahan ng kaukulang kaso ang mga nahuling suspek.