KALABOSO ang isang babae matapos mahulihan ng higit 2 kilo ng umano’y shabu sa ikinasang operasyon sa Barangay Longos, Malabon.
Kinilala ang suspek na si Herssie Ogoy, 23 taong gulang, at nakatira sa nasabing lungsod.
Nasabat mula kay Ogoy ang 13.9 million pesos na halaga ng hinihinalang shabu na nakasilid sa mga Chinese tea bags.
Nakatakdang sampahan ng kaukulang kaso ang nasabing suspek.
