Pipirmahan ni Pangulong Ferdinand Marcos Jr. ang panukalang 2026 General Appropriations Act sa unang linggo ng Enero 2026 at hindi bago matapos ang taon.
Kinumpirma ito ni Executive Secretary Ralph Recto, na nagsabing lalagdaan ng Pangulo ang 6.793-trillion pesos na pambansang budget sa Enero a-singko ng susunod na taon.
Ayon kay Secretary Recto, kailangang munang suriin nang mabuti ni Pangulong Marcos ang nilalaman ng budget bago ito pirmahan.
Hindi naman anya maaapektuhan ang operasyon ng pamahalaan kahit magkaroon ng isang linggong reenacted budget, at mas mahalaga ang maingat na pagrepaso para maipatupad ito nang tama.
Inaasahang sanang mapipirmahan ang budget sa December 29, ngunit naantala ito dahil humaba ang talakayan sa Bicameral Conference Committee.
Nauna na ring sinabi ng Palasyo na walang holiday break at hindi tutulungan ng Pangulo ang pag-aaral sa enrolled bill para masigurong malinis at walang anomalya sa 2026 budget.
