Kumpiyansa si Senate President Koko Pimentel na maaaprubahan ang hirit na martial law extension ni Pangulong Rodrigo Duterte sa Mindanao.
Ayon kay Pimentel, bagaman may mga kokontra ay tiyak namang mananaig ang kagustuhan ng mayorya ng mga mambabatas lalo ng mga kaalyado ng Pangulo.
Gayunman, makabubuting hihintayin anya muna nila ang isusumiteng liham ng Pangulo na pormal na humihiling sa Kongreso na palawigin ang batas militar sa Mindanao.
Paliwanag ni Pimentel, berbal lamang ang hirit ng punong ehekutibo kaya’t isapormal ito sa pamamagitan ng pagpapadala ng letter of request.
By: Drew Nacino / Cely Bueno
Planong dalawin ng mga kandidata ng Mutya ng Pilipinas ang mga sundalong nasugatan sa krisis sa Marawi City.
Ito’y sa kabila ng nagaganap na karahasang dulot ng teroristang Maute Group sa lungsod na naging dahilan upang magdeklara si Pangulong Rodrigo Duterte ng batas militar sa buong Mindanao.
Sa panayam ng DWIZ Patrol kay Ms. Hemilyn Escudero-Tamayo, Pangulo ng Mutya ng Pilipinas Beauty Pageant 2017, gagawin nila ito hindi lang upang i-promote ang prestihiyosong patimpalak kundi para palakasin ang loob at ipakita ang kanilang suporta sa tropa ng pamahalaan na nakikipaglaban para sa bayan.
Si Escudero-Tamayo, dating beauty queen, ay maybahay ng isang mataas na opisyal ng Philippine Air Force.
Ayon kay Escudero-Tamayo, sakaling maisakatuparan nila ito, tiyak na tataas ang moral, lalong mabubuhayan ng pag-asa at higit pang magiging inspirado ang mga sugatang sundalo.
Gayunman, ipinaliwanag ni Tamayo-Escudero na kung hindi kakayanin ng schedule ng Mutya ng Pilipinas candidates ay gagawin na lamang nila ang pagbisita pagkatapos ng pageant sa Agosto, taong kasalukuyan.
Posible aniyang ang mga mananalo lamang sa pageant ang makadadalaw sa mga nasugatang kawal ng pamahalaan.
Magugunitang dumalaw din si 2015 Miss Universe Pia Wurtzbach sa mga sundalong nakaratay sa Heroes Ward ng AFP Medical Center noong nakaraang taon bilang bahagi ng kanyang charity events
By: Gilbert Perdez
Ipinatatanggal na ni Pangulong Rodrigo Duterte ang kanyang larawan sa mga tanggapan ng pamahalaan, paaralan at iba pang government institution.
Ayon kay Pangulong Duterte, hindi siya sanay sa mga ganitong istilo kayat gagawa siya ng isang Presidential Decree na sa halip na larawan ang idisplay, larawan ng mga bayani ang ipalit sa lahat ng mga tanggapan ng gobyerno.
Ginawa na niya ito sa Davao City kaya’t dapat ipatupad sa buong bansa.
Kahit anya ang mga larawan ng mga naging Pangulo na naka-display sa Malakanyang ay ipinapaalis din ni Pangulong Duterte dahil ilan sa mga ito ay sangkot sa mga katiwalian at may bahid ang pagkatao kaya’t hindi karapat-dapat ituring na “Honorable.”
By: Drew Nacino / Aileen Taliping
Pumalag ang liderato ng Department of Transportation sa mga batikos na ang mga bulok at palyadong tren ng MRT at LRT ang mukha ng D.O.T.R.
Ayon kay Transportation Secretary Arthur Tugade, maraming mukha ang ahensya at hindi lamang ang mga palyadong railway system.
Marami anyang inilalargang major projects ang Duterte Administration subalit hindi naman kakalimutan ang problema sa MRT at LRT.
Aminado si Tugade na marami silang problemang minana sa nakalipas na administrasyon lalo na sa mga palyadong tren at bagon pero hindi nila ugaling manisi.
Iginiit ng kalihim na hindi dapat husgahan ang D.O.T.R. sa isang aspeto lamang dahil maraming ginagawang proyekto ang ahensya para sa kapakinabangan ng taumbayan kaya’t humingi sila ng sapat na panahon at pang-unawa sa publiko para maayos at malutas ang mga minanang problema sa MRT at LRT.
By: Drew Nacino / Aileen Taliping
Hindi dapat madaliin ang pagtalakay at pag-apruba sa panukalang pagpapalawig ng Martial Law sa Mindanao.
Ayon kay Senador Risa Hontiveros, may karapatan ang publiko para sa isang transparent, masusing deliberasyon at malawakang pagtalakay para sa extension ng batas militar upang mabatid kung may sapat itong batayan.
Nais namang malaman muna ni Hontiveros kung ano ang mga mabigat na dahilan sa hirit na pagpapalawig sa Martial Law.
By: Drew Nacino / Cely Bueno
“Maaaring palawigin ang martial law hanggang katapusan ng mundo.”
Ito ang inihayag ni Senador Panfilo Lacson makaraang igiit na wala namang nakasaad na limitasyon sa pagpapalawig ng batas militar.
Ayon kay Lacson, kahit ilang araw o buwan ang ihirit ni Pangulong Rodrigo Duterte sa Martial Law sa Mindanao, ang kongreso ang tanging may kapangyarihan na palawigin ang batas militar, alinsunod sa konstitusyon sa pamamagitan ng joint session.
Nangangahulugan anya ito na inisyatibo lamang ng Pangulo ang mag-mungkahi ng pagpapalawig ng batas militar at matapos nito ay nasa kamay na ng Kongreso ang pagpapasya kung aaprubahan ito o hindi at kung gaano katagal ang kanilang aaprubahang extension.
By: Drew Nacino / Cely Bueno
Muling tiniyak ng gobyerno na hindi apektado ng martial law ang negosyo sa Mindanao.
Ito, ayon kay National Economic and Development Authority Dir. Gen. Ernesto Pernia, ay kahit palawigin ang batas militar ng higit pa sa 60 araw o hanggang sa huling bahagi ng taong 2017.
Normal naman anya ang pamumuhay at wala silang nakikitang pagkaka-antala ng kalakalan sa Mindanao.
Magugunitang nagpatawag si Pangulong Duterte ng isang Special Session sa Kongreso upang talakayin ang martial law extension.
By: Drew Nacino
Inimbitahan ng negosyanteng si Xian Gaza ang ex-boyfriend ni Erich Gonzales na si Daniel Matsunaga na mag-tsaa.
Ito’y matapos tanggihan ni Erich ang kanyang coffee-date invitation.
Kahapon ay nag-post si Xian sa kanyang Facebook account ng larawan nila ng Brazilian Japanese model actor na may caption na…
Wala pang tugon si Daniel sa imbitasyon ni Xian.
- Meann Tanbio
Sinimulan na ng Philippine Women’s Volleyball Team ang kanilang labing pitong araw na training sa Japan.
Nakalaban ng mga manlalarong Pinay sa pangunguna nina Alyssa Valdez, Mika Reyes, Aby Maraño at iba pa ang Japanese Club Team na Okayama Seagulls.
Una rito, mismong ang coach ng Japan ang sumalubong sa volleyball team ng Pilipinas bago simulan ang totoong training ng mga ito.
Nag-courtesy call din muna ang grupo sa Mayor ng Okayama City sa pamamagitan nina Reyes, Valdez at team leader ng mga ito na si Cielo Suzara.
- Ralph Obina