LATEST NEWS

Monthly Archives

June 2026

VP Robredo nakatakdang bumiyahe para sa global summit for women

written by DWIZ 882

Natakdang bumiyahe si Vice President Leni Robredo sa Tokyo, Japan ngayong araw para dumalo sa dalawang araw na “global summit of women”.

Ang nasabing pagpupulong ay dadaluhan nina Japanese Prime Minister Shinzo Abe, Vietnamese Vice President Dang Thi Ngoc Thinh, at iba pang kinatawan ng mga kababaihan sa iba’t ibang panig ng mundo

May temang “Beyond Womenomics: Accelerating Access,” ang nasabing summit kung saan tatalakayin kung paano naaabot ng mga kababaihan ang mga pwesto sa liderato ng mga korporasyon at ang iba’t ibang stratehiya na susuporta sa mga negosyong pinatatakbo ng mga babae.

Nakatakda ring mag-courtesy call si Robredo sa Japan-Philippines Parliamentarians Friendship League at kay representative Katsuyuki Kawai, ang special advisor ni Shinzo Abe.

By: Meann Tanbio / Jonathan Andal

May 10, 2017 0 comment

Kredibilidad ng CA bahagyang naapektuhan dahil sa secret voting system

written by DWIZ 882

Inamin ni Senador Bam Aquino na bahagyang naapektuhan ang kredibilidad ng CA o Commission on Appointments dahil sa ipinatupad na secret voting system.

Sa panayam ng programang “Balita Na, Serbisyo Pa“, sinabi ni Aquino na ito ang nag-udyok sa kanya para maghain ng resolusyon sa CA na humihiling na repasuhin o amyemdahan ang alintuntunin hinggil sa secret voting.

Sa harap na rin ito ng pagpuna ng ilan sa kawalan ng transparency sa ginawang botohan sa pagkakabasura ng CA sa appointment ni dating DENR Secretary Gina Lopez dahil hindi tugma ang bilang ng boto at ng mga inanunsyong boto ng senador.

Si Aquino, na miyembro ng CA ay bumoto ng “yes” sa confirmation ni Lopez.

***PAKINGGAN:* *Pahayag ni Senador Bam Aquino***

Kasabay nito, sinabi rin ni aquino na wala siyang alam na may umikot na lobby money sa confirmation ni lopez.

***PAKINGGAN:* *Bahagi ng pahayag ni Senador Bam Aquino sa panayam ng DWIZ***

By Meann Tanbio | Balita Na Serbisyo Pa (Interview)

May 9, 2017 0 comment

RONDA PROBINSYA

Babae patay matapos paghahampasin ng kawayan ng kanyang kapatid

written by DWIZ 882

Isang 22 anyos na babae ang patay matapos paghahampasin ng kawayan at kahoy sa ulo ng kanyang 14 anyos na kapatid na lalaki sa bayan ng Banga, Aklan.

Ayon kay Banga Police Chief, Senior Insp. Joey Delos Santos, nagkaroon umano ng argumento ang mag-‘ate’ dahil tumanggi ang biktima na papasukin ang kapatid nito sa kanilang bahay.

Ang biktima anya ang pinaka-matanda sa apat (4) na magkakapatid at isang rape victim na nakaranas ng depresyon.

Isinugod naman sa Doctor Rafael Tumbukon Memorial Hospital sa Kalibo ang dalaga kung saan ito binawian ng buhay dahil sa matinding tama sa ulo at iba’t ibang sugat sa katawan.

Samantala, aminado naman ang batang suspek na hindi niya intensyon na patayin ang kanyang ate.

Isinailalim na sa kustodiya ng Municipal Social Welfare and Development Office ang binatilyo lalo’t hindi pa ito maaaring kasuhan sa ilalim ng Republic Act 9344 o Juvenile Justice and Welfare Act of 2006.

By Drew Nacino

May 9, 2017 0 comment

INTERNATIONAL NEWS

Dating Jakarta Governor hinatulan ng 2 taong pagkakabilanggo

written by DWIZ 882

Hinatulan ng dalawang (2) taong pagkabilanggo si dating Jakarta Governor Basuki Tjahaja Purnama na mas kilala bilang “Ahok“.

Ito ay matapos siyang mahatulang guilty sa kasong “blasphemy“, sa tinaguriang test case sa religious tolerance ng Indonesia.

Sinimulan ang pagdinig sa kaso ng Chinese Christian Politician noong Disyembre, matapos niyang siraan umano ang Islam habang nangangampanya.

Si Ahok ay pinalitan ni dating Education at Culture Minister na si Anies Baswedan, bilang gobernador ng Jakarta.

By Katrina Valle

May 9, 2017 0 comment

Liza Soberano binash ng Filipino Fans ng isang K-Pop group

written by DWIZ 882

LIZA SOBERANO SHADES

Nakakatanggap ngayon ng pambabash ang Kapamilya Aktres na si Liza Soberano mula sa mga Filipino Fans ng Korean Pop group na BTS o Bangtan Sonyeondan.

Ito ay matapos magpost si Liza sa twitter ng tungkol sa nasabing K-Pop group na nasa Pilipinas noong weekend para sa dalawang (2) araw na concert.

Sa kanyang post, sinabi ni liza ang mga katagang “BTS as in behind the scenes?”, na hindi nagustuhan ng ilang mga fans ng naturang grupo.

Ilan ang nainsulto sa tweet ni Liza na tinawag pa siyang popular ghost.

Sa sumunod na tweet naman ng kapamilya aktres, kanyang sinabi na isang sarcasm ang kanyang naunang post na hindi naintindihan ng ilang netizens.

By Krista De Dios

Photo Credits: Liza Soberano's Twitter and Instagram Account

May 9, 2017 0 comment

Binatilyo patay sa sunog sa Tondo Maynila

written by DWIZ 882

Patay ang isang kinse (15) anyos na lalaki, sa sunog na tumupok sa talumpung (30) bahay sa Isla Puting Bato sa port area sa bahagi ng Tondo sa Maynila.

Kinilala ng otoridad ang biktima na si Froilan Dela Cruz, ang lalaking una nang idineklarang nawawala.

Nagsimula ang sunog, 11:30 kaninang umaga at ubamot ito sa ikaalimang alarma bago maideklarang under control mag 12:30 ng tanghali.

Umabot sa pitumput limang (75) pamilya ang naapektuhan sa sunog na nagsimula sa sumabog na tangke ng LPG sa bahay ng isang Amy Dela Cruz.

By Katrina Valle |With Report from Aya Yupangco

May 9, 2017 0 comment

INTERNATIONAL NEWS

No. 1 ISIS member ng Malaysia kumpirmadong patay na

written by DWIZ 882

POLICE LINE

Kinumpirma ng Malaysia na patay na ang nangungunang ISIS member ng bansa na si Muhammad Wanndy Mohamed Jedi.

Ayon kay Malaysian Police Chief Khalid Abu Bakar, batay sa nakalap nilang intelligence report ay nasawi si Jedi sa drone attack sa Raqqa, Syria, noong isang linggo.

Taong 2015 nang lisanin ng 27 anyos na si Muhammad ang Malaysia kasama ang asawang si Nor Mahmudah.

Ang naturang ISIS operative na wanted sa Malaysia at Amerika ang isa sa mga nag-re-recruit ng mga terorista mula South-East Asia at naging daan upang makabiyahe ang mga ito sa Syria at Iraq.

By Drew Nacino

May 9, 2017 0 comment

Nasabat na P18-M halaga ng shabu sa Bohol kumpirmadong galing sa Bilibid

written by DWIZ 882

SHABU

Kinumpirma ng PNP-Crime Laboratory-Central Visayas na nagmula sa New Bilibid Prisons o NBP sa Muntinlupa ang tinatayang labinwalong (18) milyong pisong halaga ng shabu na nasabat mula sa mag-amang naaresto sa buy bust operations sa Bohol.

Ayon kay PNP regional office 7 director, chief supt. Noli taliño, maaaring ang mga drug lord sa Bilibid ang nasa likod ng aktibidad nina Teofilo Tampus at anak na si Jonathan.

Magugunitang naaresto ang mag-ama sa bayan ng loon noong isang linggo kung saan nasa tatlong kilo ng shabu ang nasabat.

Ito na anya sa ngayon ang pinaka-malaking halaga ng iligal na droga na nasabat ng mga otoridad sa central visayas ngayong taon.

By Drew Nacino

May 9, 2017 0 comment

3 pulis sugatan sa pagsabog ng bomba sa Maguindanao

written by DWIZ 882

Tatlong (3) pulis ang sugatan sa pagsabog ng bomba sa Mamasapano, Maguindanao.

Kinilala ang mga biktimang sina Police Officers 3 Harim Ampatuan, Ali Malok at Police Officer 1 Norodin Olympain, pawang miyembro ng Raja Buayan Municipal Police Station.

Sakay ng mahindra patrol jeep ang tatlo nang madaanan ang isang road side bomb sa Sitio Paso, Barangay Manongkaling, pasado 10:00 ng umaga, ng Martes

Inaalam na ang kung anong grupo ang nasa likod ng nasabing insidente.

By Drew Nacino |With Report from Jonathan Andal

May 9, 2017 0 comment

Bagong DENR Sec. Roy Cimatu bukas sa responsible mining

written by DWIZ 882

ROY CIMATU NANUMPA WITH DUTERTE

Maaaring payagan ng bagong Environment Secretary Roy Cimatu ang pagmimina sa bansa kung ginagawa ito sa maayos at responsableng paraan.

Ayon kay Cimatu, sisilipin niya ang mga minahang ipinasara ni dating Department of Environment and Natural Resources o DENR Secretary Gina Lopez at aalamin kung maaaring mag-operate muli ang mga ito lalo ang mga nickel mine.

Ang Pilipinas ang nangungunang nickel ore producer sa mundo kaya’t malaki ang epekto sa ekonomiya ng bansa ang pagsasara ng mga nickel mine.

Nais naman ni Cimatu na makaharap si Lopez upang alamin ang mga kuru-kuro nito sa mga polisiyang ipatutupad ng kagawaran.

By Drew Nacino

May 9, 2017 0 comment

Newer Posts

Older Posts