June 2026

Nasabat  ng mga  otoridad  ang tatlong  kilo  ng  shabu sa Bohol na  pinaniniwalaang  galing  sa  loob  ng  New Bilibid Prison sa  Muntinlupa City.

Ayon sa  hepe  ng  Clarin Police  Station  sa  Clarin Bohol na si Pol. Sr. Inspector Fernando Perorams, nakumpiska  ang  shabu sa  suspect na  si Teofilo Tampus sa  isang buy bust operations sa Barangay Nahawan, Clarin, Bohol.

Isang  tip ang  natanggap ng mga  otoridad  na  si Tampus ay nakatanggap ng  package  ng  shabu kaya agad  inilunsad ang  operasyon.

Ikinanta  naman ng suspect na ang  shabu ay nagmula sa  isang  alyas  “boss  sam” sa  loob ng  NBP at  pinapabenta sa  kanya .

Bago naaresto si Tampus  ay naaresto ang  anak nitong si Jonathan  at  kasintahan sa  isang  checkpoint sa  bayan ng  Loon at nakuha sa mga  ito ang  50 gramo ng shabu at  baril.

Kapwa nakakulong na ang  mag-amang tampus  at  patuloy  na  inaalam ang  source  o pinagmulan ng  shabu ng  mga  ito.

By: Aileen Taliping

Hindi  intensiyon ni Pangulong  Rodrigo Duterte  na  dungisan ang  integridad  ng  Commission on Appointments  nang  ihayag  na  kumilos  ang  lobby  money  kaya  hindi nakalusot  sa  kumpirmasyon si dating  DENR  Secretary  Gina  Lopez.

Sinabi ni Presidential Spokesman Ernesto Abella na nais  lamang  bigyang-diin  ng  Pangulo na  mayroong sariling  interes ang  ilan sa  appointment  ng  mga  opisyal.

Naniniwala  ang palasyo na  ilang  miyembro ng  C.A. ay  bumoto batay sa  kanilang  prinsipyo at konsensiya, patunay dito ang  ilang  mambabatas  na  nagpaliwanag sa  kanilang  boto.

Sinabi ni Abella  na  iginagalang  ng  Pangulo ang  Independence  ng  commission on Appointments, patunay  dito ang   hindi nito pakikialam sa  confirmation  process  ni  Lopez.

Nauna  rito inihayag  ni Pangulong  Duterte  ang  panghihinayang  sa hindi paglusot  ng appointment  ni Lopez at  sinabing  hindi niya  kontrolado ang  lahat  dahil mayroong  check and  balance sa  gobyerno.

By: Aileen Taliping

Isasalang  sa  random drug  testing  ang  mga estudyante sa  mga  pampublikong  paaralan sa  high school sa  buong  bansa.

Ito ang  inihayag  ng  Department  of  Education  bilang  bahagi ng  pagpapalakas sa drug  education sa  bansa, sa  harap na  rin ng  pinalakas  na  anti-drug campaign ng  Duterte  Administration.

Ayon kay Department  of  Education Spokesperson Tonisito Umali, kasama  rin sa  sasailalim sa  random drug  test ang  mga guro sa  elementary at secondary schools, officers  at personnel ng  central, regional at school division offices.

Binigyang-diin ni umali na ang random drug  testing  ay  bahagi ng  suporta  ng  kagawaran sa  pagsisikap ng  gobyerno  na  labanan ang  illegal drugs alinsunod  sa nakasaad sa Republic  Act 9165 o ang  Comprehensive Dangerous  Drugs Act of 2002.

Magkakaroon din aniya  ng  orientation  trainings sa mga DEPED  personnel bilang   paghahanda  sa  random drug  testing ng mga  estudyante, guro at  persoonel ngayong taon.

By: Aileen Taliping